قال رشيد مداح، المدير العام ديال الحوض المائي لسوس ماسة، بلّي جهة سوس ماسة عرفت تساقطات مطرية استثنائية فالثلاثة أيام اللّخرين، وصلات حتى لـ120 ملم فإيموزار إداوتنان، وهي كمية ما تسجلاتش بحالها فالجهة من عام 2014.

وأوضح بلّي هاد الشتا القوية خلّفات واردات مائية مهمة فحقينات سدود الجهة، حيث قبل هاد التساقطات ما كانش الحجم المعبأ كيتعدّى 130 مليون متر مكعب، بنسبة ملء ضعيفة ما كتفوتش 17%.

ودابا، وإلى حدود الساعة الثامنة ديال مساء البارح الاثنين 5 يناير الجاري، ولّى الحجم الإجمالي المخزن فسدود الجهة حوالي 331 مليون متر مكعب، يعني زيادة كتفوق 200 مليون متر مكعب غير فـثلاثة أيام، والوضعية مرشحة تزيد أكثر خلال الساعات الجاية بسبب الواردات المرتقبة هاد الليلة.

وأضاف بلّي هاد التساقطات خلات جوج سدود يعمّرو بالكامل، وهما سد سيدي عبد الله بإقليم تارودانت وسد الأمير مولاي عبد الله بعمالة أكادير إداوتنان، وزاد بيّن أن جوج سدود خرين وصلات نسب الملء ديالهم لمستويات عالية ما بين 80% و91%، ويتعلّق الأمر بسد أولوز بإقليم تارودانت وسد أهل سوس بإقليم اشتوكة آيت باها.

وختم تصريحو لـ”كود” بالتأكيد أن هاد الوضعية غادي تمكّن من تلبية الحاجيات المائية بشكل كامل ولسنوات لقدّام، وكذا ضمان مياه السقي بطريقة مرضية للمدارات السقوية فالجهة، خصوصاً فمدارات الكردان وماسة.

أكادير

المصدر: كود

الصفحة الرئيسية

مداح لـ"كود": الشتا كانت استثنائية فجهة سوس ماسة ووصلات لـ120 ملم فإيموزار إداوتنان وهادشي ما تسجلش من عام 2014 ومخزون السدود وصل دبا لـ331 مليون متر مكعب (تصاور) .

أخبار ذات صلة

تصعيد بمدرسة ENSA أكادير.. 20 يوما من الشلل والوزارة تلتزم الصمت

أكلات أمازيغية تستهوي زوار “الكان” وضيوفه في سوس

إقرأ أيضا

تجارية الدار البيضاء تصفع بنك "BMCI" بقرابة 5 مليارات سنتيم لصالح "أبرون"

رئيس الحكومة يترأس بالرباط اجتماعا لرصد تقدم إصلاح المنظومة الصحية