حزب الحمامة كيوجد يعلن على برنامج كبير من فاس .. ومصادر لـ"كود": الأحرار قوي ميدانيا وغادي يأكدها فالاستحقاقات لي جاية! .

مصدر الصورة

كود ـ الرباط//

حسب مجموعة من المصادر، كيوجد حزب التجمع الوطني للأحرار للإعلان على خطوة سياسية كبيرة نهار الثلاثاء الجاي، فواحد النشاط اللي كيتوقع يعرف حضور قوي لقيادات الصف الأول ومناضلات ومناضلي الحزب من مختلف جهات المملكة.

هاد المصادر قالت لـ”كود” بلي مدينة فاس غادي تحتضن انطلاقة برنامج جديد للأحرار، باقي مكشف الحزب على التفاصيل ديالو إلى حدود الساعة، فخطوة خلات بزاف ديال المتتبعين كيتساءلو على طبيعة هاد المبادرة والأهداف السياسية والتنظيمية ديالها.

ومن المرتقب يعرف هاد الموعد إنزال تنظيمي كبير، بحضور رئيس الحزب وعدد من قيادات الأحرار، باش يتم الكشف على هاد الخطوة الجديدة اللي مازال ما تعلن عليها بشكل رسمي، واللي كيتوقع أنها تخلق نقاش واسع داخل الساحة السياسية والإعلامية خلال الأيام المقبلة.

وكيجي هاد التحرك، حسب نفس المصادر، مباشرة من بعد نهاية “مسار المستقبل”، اللي عرف تفاعل كبير، ومن بعد إعلان الحزب على لائحة المرشحين ديالو للاستحقاقات التشريعية المقبلة المقررة يوم 23 شتنبر، وهو ما كيعطي انطباع بأن الأحرار داخل اليوم فمرحلة سياسية جديدة وبمنهجية استعدادا للمواعيد المقبلة.

الحزب كيراهن من خلال هاد المبادرة على فتح نقاش مجتمعي واسع حول مجموعة من القضايا ذات الأولوية، وتقديم تصورو للمرحلة المقبلة، مع الحرص على تعزيز حضوره السياسي والتنظيمي بمختلف ربوع المملكة.

وإذا صدقات هاد المعطيات، فإن الموعد ديال الثلاثاء بمدينة فاس غادي يكون محطة سياسية بارزة، وغادي يشكل فرصة باش الأحرار يوجه رسائل قوية بخصوص رؤيتو للمستقبل، ويؤكد طموحو باش يبقى حاضر بقوة في واجهة المشهد السياسي، ويبرز جاهزيتو لقيادة المرحلة المقبلة.