طبيب بيطري لـ”كود”: إلا طولات السقيطة أكثر من 5 ساعات فالحرارة اللحم كيخسر.. وها كيفاش كيتخزن فالفريگو .

أميمة عطية – كود كازا ///

مع هاد الصهد والارتفاع الكبير فدرجات الحرارة فعدد من المدن المغربية، خرج المكتب الوطني للسلامة الصحية للمنتجات الغذائية ONSSA هاد نهار الاربعاء في اول يوم لعيد ، بتوجيهات وإرشادات جديدة للمواطنين بخصوص التعامل مع لحوم الأضاحي، بهدف الحفاظ على السلامة الغذائية وجودة اللحم وتفادي أي مخاطر صحية مرتبطة بالحرارة.

مصدر الصورة

وأكد المكتب أن السقيطة ما خاصهاش تبقى معلقة أكثر من خمس ساعات من بعد عملية الذبح والتنقية، خصوصاً مع الأجواء الحارة .

ووضحات ” اونسا” ، أن احترام هاد المدة كيساهم فـ تجفيف اللحم بشكل متوازن، وكيحميه من التلوث ومن باكتيريا وباش لحم ميخنازش ويخسر .

ومن جهة اخرا، شار نفس لمصدر على ان اللحم خاصو ادار فأكياس خاصة بالمواد لعذائية وانه ميتكدش فثلاجة ، وزاد وضحات ” اونسا” ان التبريد خاصو اكون في أقرب وقت ممكن، وأن اللحم اللي غادي يتستهلك فهاد 3 أيام يتحط فالثلاجة فدرجة مئوية 3 ، باش ميخسرش.

مصدر الصورة

وفي هاد السياق ، كال مجيد عنكيط، الطبيب البيطري ورئيس المجلس الجهوي للوسط الشمالي لهيئة البياطرة الوطنية، إن ترك السقيطة أكثر من 5 ساعات في حرارة مرتفعة غادي يؤدي بشكل حتمي باش تكاثر البكتيريا وافسد اللحم.

وزاد ضاف ، طبيب لبيطري أن الوضع الحالي مع موجة الحر كيستوجب الإسراع فالتعامل مع اللحوم بعد ذبيحة، بحيت أن لمغاربة خاصهم اقطعو اللحم بزربا واديروه فثلاجة ابرد، وخاص اتم التخزين ديالو في درجات حرارة مناسبة بين 2 و 5 فوق الصفر بالنسبة للقطع لي غادي تكال في اليومين جايين.

أما بالنسبة للحم لي مقطع ، فختم عنكيط تصريحو ، بأن هادلأخير إلا كان غادي اتكال فمدة زمنية أكثر من أسبوع إلى ثلاث أشهر فمن الأفضل اتخزن في ففريكو الثلاجة في درجة حرارة ما بين 18 إلى 25 تحت الصفر باش يتمنع تكاثر البكتريا الضارة وميخضارش او يتلوث اللحم.