شايلاه أ مولاي بوسلهام.. الخيرات بالجهد والتنمية زيرو و"اللي حاكمها" بلعسال ساكن فالبرلمان سنوات ومخشي وسط الأغلبية بلا قيمة ومتهم بتضارب مصالح .

مصدر الصورة

كود الرباط//

مولاي بوسلهام، ماشي بعيدة على الرباط ومحسوبة على الغرب، منطقة غنية فلاحيا وحتى سياحيا واخا متعطاش ليها قيمتها. آراك لافوكا والفريز وكاع أنواع الفواكه الغنية لي كتصدر لبرا. طبعا هاد المنطقة معروفة بنفوذ آل بلعسال البرلماني للي عندو آلاف الهكتارات ديال لافوكا.

هاد بلعسال، سنوات وهو فالبرلمان، تقريبا ساكن فيه بحالو بحال مضيان والتويزي والراحل الراضي، مكيسخاوش بالكرسي، غير للي كيميز بلعسال عمرو يدير معارضة ولا يغوت ولا يترافع على منطقتو، كيترافع غير على مصالحو، وهادشي بالدليل الواضح.

مصادر من منطقة مولاي بوسلهام كتعجب للمستوى للي وصلت ليه هاد المدينة والفيلاجات لي حداها، خصوصا الفيضانات الأخيرة فضحات سوء التدبير ديال الطرقان والأزمة والواد الحار وغيرها، لدرجة أن مالين الحوانت مشاو شراو موطور باش يحيدو الماء من الشارع باش يبيعيو ويشريو على خاطرهم.

جماعة اولاد مصباح العيايدة، طريقها شي 30 عام متصايبا، لبحارة ولاد عياد للي جا منها العمدة السابق للرباط البحراوي، الدلالحة مولاي بوسلها، كلها مناطق كتعيش التهميش وسوء التدبير، وهادشي موثق بالفيديوهات ديال الساكنة لي فضحات شبهات التلاعبات بميزانية ديال الطريق.

هاد المنطقة حاكمها بلعسال وناسو، كيف كان كيدير الراضي ف سيدي سليمان. منطقة فيها كثر من 20 اوزين كيصدرو للخارج مختلف أنواع الفواكه الغنية والغاليا وغرقات فالفيضانات. لا تجهيزات أساسية ولا بنيات تحتية تليق بعاصمة الغرب الحقيقية.

باش تعرفو حقيقة هاد المنتخبين للي طلعو يسيرو الجماعات فهاد الإقليم أو حتى لي طلعو للبرلمان، شوفو غير بلسعال اش كيدير، ف حسب معطيات “كود” حلف حتى يدخل صحة للجنة البرلمانية المكلفة بتقييم المخطط الاخضر .. اييه تقييم 14 عام من المخطط للي هو من أكبر من المستفيدين منه. كاين شي تضارب مصالح من هكاك، وللي قال لا يمشي يقرا النظام الداخلي لمجلس النواب.

هاد الفضيحة لا تقل فظاعة عن واقع مولاي بوسلهام الهش، دواوير عاشت الجحيم لأشهر بسبب الانقطاع المتكرر للكهرباء، طرق وعرة وتلاميذ كيضيعو فهاد الواقع الهش.

للتذكير فقط، “كود” كانت كتبات بلي وقعات فضيحة كبيرة لتضارب المصالح، فايتا كاع التوقعات، بحيث أغلب أعضاء اللجنة الموضوعاتية المكلفة بتقييم المخطط المغرب الأخضر لي تم تشكيلها ودارت اجتماع ديالها ف22 ابريل 2025 (وفق وثيقة حصلت عليها “كود”)، (أغلب البرلمانيين) فلاحين كبار ومستثمرين ف مجال التصدير أو فاللحوم ومنهم مصدر كبير ديال لافوكا فالغرب، ومستثمر ف تربية الخيول (أحد أثرياء هاد الضومين).

وحسب المادة 394 من النظام الداخلي، فإن كل نائب له مصلحة شخصية ترتبط بمشروع أو لجنة أو مهمة استطلاعية مؤقتة، يجب عليه إخبار رئيس المجلس قبل الشروع في المهمة، وهو ما لم يتم احترامه بحسب المعطيات المتوفرة.

ويمثل شاوي بلعسال، عن الحركة الديمقراطية الاجتماعية، وأحد كبار مصدري الأفوكادو في منطقة الغرب، بينما تضم اللجنة أيضًا الفلاح الكبير هيشامي عن الحركة الشعبية (معارضة)، وحسن عكاشة عن الأحرار، الذي يملك استثمارات ضخمة في مجال تربية الخيول.

ورغم أن المادة 74 تنصل على أن تشكيلة مجموعات العمل الموضوعاتية يجب أن تراعي “مبدأ المناصفة والتخصص والخبرة”، لكن لا يجب أن “ذلك مبرراً لغزو هذه اللجان من طرف المستفيدين من الدعم العمومي المباشر، أو أولئك الذين لهم مصلحة اقتصادية في الموضوع محل التقييم” وفق مصدر برلماني من الأغلبية.

أما المادة 76 من النظام الداخلي، تنص على إمكانية استعانة اللجنة بخبراء ومختصين، وهو ما يطرح سؤالا صريحا: إذا كانت الغاية هي الخبرة، لماذا لم يُستعن بخبراء خارجيين بدل تحويل اللجنة إلى غرفة تمثيلية لكبار الفلاحين والمستفيدين من الدعم العمومي لسنوات طوال؟.

يشار أن الملك محمد السادس دعا فرسالتو الموجهة إلى البرلمان بمجلسيه بمناسبة الذكرى الستين لقيامه، إلى “ترسيخ مدونة الأخلاقيات وتفعيلها في مختلف الممارسات البرلمانية”، غير أن ما يحدث اليوم في لجنة تقييم مخطط المغرب الأخضر، يؤكد أن من الفرق البرلمانيين “تتجاهل” بطريقة “مفروشة” توجيهات الملك.