الدخول المدرسي فكازا سطات.. 1,19 مليون تلميذ فالعمومي و 449 ألف فالخصوصي.. شنو باقي خاص المدرسة العمومية باش تنافس فالجودة وتحقق مبدأ تكافؤ الفرص؟ .

مصدر الصورة

أميمة عطية – كود كازا ///

كشفت الأكاديمية الجهوية للتربية والتكوين لجهة الدار البيضاء-سطات، فبلاغ صحافي بمناسبة الدخول المدرسي 2026-2027، أن عدد التلميذات والتلاميذ اللي غادي يقراو فالتعليم العمومي بالجهة غادي يوصل لـ1.192.274 تلميذ وتلميذة، مقابل 449.485 فالتعليم الخصوصي.

وحسب المعطيات نفسها، كيمثل المتمدرسين فالقطاع العمومي حوالي 72,62 فالمية من مجموع التلاميذ، مقابل 27,38 فالمية فالقطاع الخصوصي، وهو ما كيبين أن المدرسة العمومية مازال هي المستوعب الأكبر للتلاميذ فالجهة.

هاد الأرقام كتخلي النقاش ماشي غير حول عدد التلاميذ اللي كيقراو فالعمومي، ولكن حتا بخصوص سؤال الجودة، وشنو خاص هاد القطاع باش يضمن لنفس العدد الكبير من تلامد ظروف تعليمية فالمستوى، ويقدر ينافس المدرسة الخاصة من حيث جودة التعلمات والخدمات التربوية.

فجهة بحال الدار البيضاء-سطات، اللي كتضم ملايين السكان وكتعرف ضغط كبير على المؤسسات التعليمية، كيبقى الرهان مطروحا على قدرة المدرسة العمومية على توفير أقسام وظروف استقبال مناسبة، وتأطير تربوي كافي، وتجهيزات وفضاءات ملائمة، إضافة إلى تحسين جودة التعلمات ومواكبة التلاميذ.

وبالموازاة مع هادشي، كتقول الأكاديمية الجهوية للتربية والتكوين إنها داخلة للموسم الدراسي الجديد بخطة استباقية، الهدف منها ضمان دخول مدرسي ناجح، ومواكبة المؤسسات التعليمية وتعزيز جودة التعليم وتكافؤ الفرص .

ولكن لحقيقة أنه باقين كنشوفو فرق كبير بين لقطاعين وكيبقى سؤال هو شنو باقي خاص لقطاع لعمومي باش احقق مبدأ تكافؤ لفرص ويرجع ثقة الأسرة لمغربية وايكون تمدرس فابور وبجودة عالية ؟