كيعرف المعبر الحدودي من الجهة المغربية اليوم، استمرار التحركات الميدانية غير مسبوقة وإجراءات أمنية مشددة للغاية، رجعات المحيط المباشر للنقطة الحدودية والطرق اللي كادي ليها بحال شي “منطقة عازلة” محصنة ومسدودة من كل الجهات.

مصدر الصورة

حسب مشاهد وصور “گود” من عين المكان، كاين إنزال أمني مكثف لمختلف التشكيلات من أمن وطني، درك ملكي، وقوات مساعدة، مدعومين بآليات وشاحنات التدخل ومدرعات واقفة فمختلف النقاط الحساسة.

مصدر الصورة

وفي نفس الوقت، كاينا أشغال جارية على قدم وساق لتركيب سياجات حديدية جديدة ومزدوجة، متبوعة بأسلاك شائكة دائرية على طول الشريط المحادي للمعبر والبحر، مع تواجد جرافات وآليات دكاكة كتقاد الطريق وتزيد تثبت الحواجز الوقائية.

الصرامة الأمنية بادية من نقط بعيدة على الخط الحدودي؛ حيث كاين تشديد كبير كيبدا ملي تقرب من الفندق الشهير “سيناتور”، وصولاً لـ”الرمبوان” المؤدي مباشرة للشارع الرئيسي ديال المعبر.
السلطات فرضات منع تام على السيارات العادية والخاصة باش تدخل لهاد الشارع، واستثنات فقط سيارات الأجرة (الطاكسيات) والمسافرين اللي عندهم وثائق سفر وتنقُّل واضحة.

مصدر الصورة
م
فوسط هاد الأجواء المشدودة، فرضات السلطات منع صارم على الصحفيين والمصورين، حيث تمنع عليهم بشكل كامل يلتقطوا صور أو يسجلوا فيديوهات للمشاهد والتجهيزات اللي كاينا فالمكان اليوم.

كما كيتلاحظ انتشار عناصر ديال المراقبة والاستطلاع فوق الجبال المطلة على الشارع والمعبر، كيرقبو التحركات من الفوق باش يضمنوا السيطرة الكاملة على المنطقة والتأمين ديالها.

مصدر الصورة
الفنيدق محمية من جميع الاتجاهات، ف من جهة منطقة الأنشطة الاقتصادية بالفنيدق (المعروفة تجارياً بالمنطقة الحرة) للي كانت مشروع تنموي استراتيجي أقيم على مساحة 10 هكتارات في مرحلته الأولى ضمن إجمالي 98 هكتاراً، بتكلفة مالية بلغت نحو 200 مليون درهم. تهدف المنصة إلى توفير بدائل اقتصادية وتجارية لإنعاش المنطقة وجبر ضرر توقف التهريب المعيشي بباب سبتة. هاد المنطقة بانت فشلت، وتحولت دبا ل قشلة للقوات العمومية باش يحميو الحدود.