بمناسبة ، فعاليات مسار المستقبل يوم السبت ، نظم حزب التجمع الوطني للأحرار المنتدى الوطني للتجار والحرفيين التجمعيين،ب شعار: “التجار والحرفيون.. في قلب التحول الاقتصادي الوطني”.

فهاد اللقاء، سولات “كود”حسن سعدي، كاتب الدولة المكلف بالصناعة التقليدية والاقتصاد الاجتماعي والتضامني:

على انتشار سلعة تقليدية فلمدينة لقديمة ديال فاس ،مكناس ، وكازا ولكتجي من لخارج وماشي من عندنا ، وخا ان الوزارة كتخسر فلوس صحيحة ؟

وكال، سعدي فهاد سياق فتصريح خاص لـ”كود” ان هاد الظاهرة سلبية، حيت بزاف ديال المنتوجات اللي كتتباع فالمناطق السياحية والمدن العتيقة كتجي من الخارج بثمن رخيص،.

وأكد أن الحل ماشي هو الفرض على التجار، ولكن التشجيع عبر دعم الحرفيين وتوفير المواد الأولية باش يقدرو يصايبو منتوج مغربي 100% وبجودة وتنافسية.

ووضح أن الوزارة خدامة باش تسهل شري ديال لمواد الأولية، بحال خشب وعرعار، بتنسيق مع وزارة الفلاحة والوكالة الوطنية للمياه والغابات، ومع قطاع المعادن.

وبالنسبة ، لسلعة تقليدية لمغربية بحال “طاجين” لمغربي ولا ” لبلغة “لمغربية، اكد سعيدي عبر ان سياح كيشريوها حيت فيها علامة “مضمون”، ولوزارة في هاد الصدد دعمات أكثر من 2500 وحدة إنتاجية حاصلة على الشهادة، وخدامين على إدماج حوالي 600 وحدة إضافية، و دعم الملكية الفكرية بنسبة 50% من مصاريف التسجيل، وميزانية 2 مليار درهم موجهة للحرفيين، باش أتصنع كلشي فلمغرب وتبقى لهوية تقليدية لمغربية كاينة ومضمونة .

ومن جهة أخرى ، وإجابة على سؤال اشنو كدير لوزارة باش تحمي صناعة التقليدية من ” التقليد” بحال لبلغة لي ولات كتاصوب فشينوا؟

أكد سعدي أن الوزارة دايرة إجراءات مهمة لحماية الصناعة التقليدية من التقليد، من بينها ديوانة، وزيادة الرسوم على السلع المقلدة باش يتحد دخولها للسوق.

وكال أن الهدف الكبير هو جعل المنتوج المغربي تنافسي، ب تقوية علامات التصديق والجودة باش المستهلك يقدر يميز بين الأصلي والمقلد، وحماية الهوية ديال المنتوج المغربي فالداخل والخارج