كود – مولاي يعقوب///
عرفات الطريق لي كاتربط بين مدارة الضويات واتجاه عين الله بمدينة فاس، بعد الزوال اليوم الثلاثاء، حادثة سير خطيرة ومأساوية، مشا ضحيتها شاب فمقتبل العمر، من بعدما تصدمات الدراجة النارية ديالو، من الحجم الكبير، بشجرة على مستوى الطريق الرئيسية.
وحسب المعطيات اللي حصلات عليها “كود” من عين المكان، فقوة الاصدام كانت كبيرة بزاف، الشي لي خلا الشاب يفارق الحياة فبلاصتو، وخلا صدمة وحزن كبير وسط العائلة ديالو واصحابو ومعارفو.
وكتشير نفس المصادر أن السرعة المفرطة والسياقة الاستعراضية، وزيد عليها غياب شروط السلامة، كانوا من بين الأسباب الرئيسية لي أدّات لهاذ الحادث المأساوي، مضيفة باللي الضحية لمصارن ديالو خرجو بفعل هاد الفاجعة.
هاد الواقعة كترجع دق ناقوس الخطر بخصوص التهور فالسياقة، خصوصاً عند بعض مستعملي الدراجات النارية، وكتأكد على ضرورة أخذ الحيطة والحذر، والبعد على السلوكات الخطيرة لي كتهدد السلامة ديال الجميع.
المصدر:
كود