أميمة عطية – كود كازا ///

فوقت كان برنامج المشاورات الحكومية كيتضمن لقاء مع تحالف اليسار، هاد نهار الخميس 1 أكتوبر، في ستة لعشية مع رئيسة الحكومة فاطمة الزهراء المنصوري فمقر بام بأكدال رباط .

أكد جمال لعسري، منسق تحالف اليسار والأمين العام للحزب الاشتراكي الموحد في تصريحات ل “ كود” ، أن فاطمة الزهراء المنصوري تاصلات بالتحالف، ولكن حتا لدابا مازال ما تحدد حتى موعد رسمي للقاء معاها او في مقر ديال لبام فرباط.

وزاد لعسري فتصريحو ل “ كود” أنه باقي كاين بزاف نقاط خاصها تخال بعين الاعتبار قبل من أي تحرك أو لقاء .

وللإشارة فقط ، فهاد المعطيات كتجي فوسط استمرار المشاورات اللي بداتها المنصوري مع عدد من الأحزاب السياسية، بهدف التشاور حول تشكيل الحكومة المقبلة، بعدما تصدر حزب الأصالة والمعاصرة نتائج الانتخابات التشريعية الأخيرة.

وحسب برنامج اللقاءات المتداول، كانت مبرمجة اليوم الخميس لقاءات مع حزب الاتحاد الدستوري على الساعة 11 صباحا، والحركة الديمقراطية الاجتماعية على الساعة 12، وحزب العدالة والتنمية على الساعة 5 مساء، فيما كان لقاء تحالف اليسار مبرمجا على الساعة 6 مساء.

وكان تحالف اليسار قد علن، قبل هاد المعطيات، أنه غادي ياخد موقع المعارضة البرلمانية بشكل مستقل، مع تأكيدو على عدد من الملفات اللي باغي يطرحها داخل مجلس النواب.