تفاهة السكوري. اسلوب تافه وتواصل فقير كيبين ثقافة هاد لوزير اللي كانت حصيلتو زرگة باش يدافع على واحد فرق الصفقات غير على صحابو .

مصدر الصورة

احمد الطيب – كود الرباط ///

ما علينا ما بينا حتى خرج يونس السكوري الوزير اللي كان كيمشي عند سعيد الناصري باش يطلب عليه الصحافة ويدعمو سياسيا قبل ما يقلب عليه، خرج هاد لوزير فحملة بالرباط باش يدعم وجه معروف غير بمنح الصفقات لصحابو وهو مهدي بنسعيد. خاص السلطات المختصة ريد جرد للصفقات اللي وزعها كوزير للشباب والاتصال والثقافة وشكون الشركات الثلاث بوحدها اللي خذات كاع الصفقات. وصلات بوزارة الثقافة الوقاحة =هو مسؤولها الاول والمشرف المباشر على المهرحان= حتى عطى صفقة مهرجان افريكا لشركة. هاد الشركة ديال صاحبو فرشاتو. بدات الخدمة ديال لبني ديال الخشبة قبل حتى ما تفتح الاظرفة كيف معمول بيه فالصفقات العمومية.

دابا هاد بنسعيد مرشح فالرباط بدائرة المحيط باشم البام طبعا. جا يدعمو وزير الشغل يونس السكوري. وزير بحصيلة صفر بحال وبحال بنت الباشا فوزارة السكنى. هادا باسلوب تافه وتواصل فقير بزاف جا كيردد “وا الحكومة ا حنا جايين”. راك كنتي وزير ما كان عندك لا دور لا بصمة فهاد 5 سنين. ثم هاد الحزب حسب تصريح سابق لقيادي كبير قال ل”كود” كون ما التاحقش فوزي لقجع بيهم كانو غاديين يجيو 4 فالانتخابات. اي حزب خاوي بلا فوزي لقجع. علاش خاوي؟ لانو فيه وزراء امثال بنت الباشا المنصوري فاطمة الزهراء ومهدي بنسعيد ويونس السكوري وليلى بنعلي …..الوزير اللي كان فيه الضو فالبام هو عبد اللطيف وهبي وزير العدل اللي عانى من دسائس بنت الباشا

هادو كانو فاشلين فالحكومة كيفاش يتيقو فيهم لمغاربة. دابا الثقة كاينة ففوزي لقجع. هادوك ناس البام راهم كيحاربوه وما حاملينوش واخا هو اللي عطى الروح فهاد الحزب

دابا ما يحشمش هادا السكوري اللي حلمو الوحيد يكون بحال الحسن الثاني. قدوة بحال الحسن الثاني خاصو على الاقل يكون يعرف يهدر ويتكلم ويتواصل ويخدم