مطارات بلادنا استقبلات أزيد من 22 مليون مسافر فظرف 7 شهور: مطار كازا جا فالصدارة بحوالي 7 مليون مسافر .

مصدر الصورة

عمر المزين – كود///

أفاد المكتب الوطني للمطارات باللي مطارات المملكة استقبلات ما مجموعه 22 مليون و282 ألف و997 مسافر خلال السبعة شهور الأولى من سنة 2026، بارتفاع وصل لـ8,77 فالمائة مقارنة مع نفس الفترة من سنة 2025.

وأوضح المكتب، فالإحصائيات ديالو المتعلقة بحركة النقل الجوي التجاري لشهر يوليوز 2026، أن هاد الرقم كيتوزع بين النقل الجوي الدولي، اللي سجل ارتفاع بـ8,82 فالمائة ووصل لـ19 مليون و894 ألف و489 مسافر، والنقل الجوي الداخلي اللي ارتفع بـ8,36 فالمائة، وسجل مليونين و388 ألف و508 مسافرين.

وبالنسبة للمطارات، جا مطار محمد الخامس فالدار البيضاء فالصدارة بـ6 ملايين و953 ألف و695 مسافر، متبوع بمطار مراكش-المنارة بـ6 ملايين و407 آلاف و303 مسافرين، ثم أكادير-المسيرة بـمليونين و179 ألف و857 مسافر، وطنجة ابن بطوطة بـمليون و711 ألف و764 مسافر، والرباط-سلا بـمليون و446 ألف و355 مسافر.

وسجل النقل الجوي الدولي أداء إيجابيا، خصوصا بفضل السوق الأوروبية اللي مازالت كتمثل المصدر الرئيسي للمسافرين، بأكثر من 16 مليون مسافر، بارتفاع سنوي وصل لـ9,29 فالمائة.

كما سجلت أسواق أمريكا الجنوبية وأمريكا الشمالية وإفريقيا ارتفاعات مهمة، بـ34,21 فالمائة بالنسبة لأمريكا الجنوبية، و14,54 فالمائة بالنسبة لأمريكا الشمالية، و13,74 فالمائة بالنسبة لإفريقيا.

وحتى حركة النقل مع البلدان المغاربية ارتفعات بـ10,06 فالمائة، ووصلات لـ295 ألف و188 مسافر.

فالمقابل، تراجعت حركة النقل الجوي مع الشرق الأوسط والشرق الأقصى بـ4,12 فالمائة، بعدما سجلت مليون و238 ألف و443 مسافر.

ومن جهة أخرى، سجلت المطارات المغربية 164 ألف و164 حركة طائرات حتى لنهاية يوليوز 2026، بزيادة بلغت 9,82 فالمائة مقارنة مع نفس الفترة من السنة اللي فاتت.

وتصدر مطار محمد الخامس هاد النشاط بـ55 ألف و223 حركة طائرات، متبوع بمطار مراكش-المنارة بـ42 ألف و28 حركة، ثم أكادير-المسيرة بـ15 ألف و9 حركات.

وبالنسبة للشحن الجوي، فقد بلغ 66.980,55 طن خلال السبعة شهور الأولى من السنة، مسجلا ارتفاع بـ12,61 فالمائة مقارنة مع نفس الفترة من سنة 2025.

وخلال شهر يوليوز 2026 بوحدو، استقبلات مطارات المملكة 3 ملايين و450 ألف و846 مسافر.