قيادي بامي لـ"كود": حشومة الطالبي العلمي يهدر على الترحال ويرجع لينا الامين العام ديالهم راه ولد التراكتور ومعاه هادوك اللي كانو ف"حركة لكل الديموقراطيين" وراه عارفهم شكون .

مصدر الصورة

كود سعيد الشاوي الرباط ///

قيادي فحزب الاصالة والمعاصرة محترم ما عندو لا سوابق لا فضايح وراه، قال ل”كود” باللي تصدم من مداخلة رشيد الطالبي العلمي فالمكنب السياسي لحزب التجمع الوطني للاحرار البارح 25 غشت 2026 فاجتماع دار عن بعد. القيادي قال ل”كود” باللي هاداك الشي ما خاصوش يقولو قيادي فحزب متحالف معاه فالحكومة، قبل ما يزيد فتصريحو ل”كود”: دابا هاد الطالبي العلمي كيهدر على 2007 اي ايام ما دار فؤاد العالي الهمة فريق فالبرلمان، واش ما كانش حتى هو فحركة “لكل الديموقراطيين” مع عدد من قيادة حزبو؟ واش كون طلب منهم ديك السنة الهمة يشاركو معاه ما غاديش يفرح؟ راه قادة فالاحرار دارو حملة ليه. اش من ترحال كيهدر عليه

القيادي اضاف ل”كود” باللي ايلى بغينا نطبقو اش كيقول الطالبي العلمي راه خاص الاحرار يرجعو لينا محمد الشوكي رئيسهم لانو ولد البام وتعرف على السياسة فالبام.

واعتبر القيادي فتصريحو ل”كود” باللي كون غير شي حد اخر من غير العلمي يقول هاداك لكلام جات معاه

الطالبي العلمي كان تشكى فمداخلة البارح فالمكتب السياسي لحزبو وتسربات هاد المداخلة، من ممارسات كيديرها البام ضد حزب التجمع، من خلال سرقة مرشحين ديالهم واللي سبق تم تزكيتهم رسميا باسم الحمامة، وهو تقريبا نفس المواقف لي جات ف بيان المكتب السياسي لي تصدر اليوم.

وانتقد الطالبي ممارسات وضعوطات على الاحرار، مشيرا بلي رفض هاد الضغوطات ف سنة 1992 هو للي خلا الاحرار يبقا، فاش قالو لا للتدخل ف شؤون الحزب، ووضح :”واش يسمح لينا الضمير ديالنا نقبلو بممارسات موجودة الفيفا ف العمل الحزب، للي عندو قواعد ديالو فالممارسة الديمقراطية بشكل تدريجي”، مذكرا بأن المنطلق الأول والأخير هوما خطابات الملك.

وقال الطالبي :”ف 2007 عملنا احصاء حول الترحال السياسي داخل مجلس النواب، ولقينا 166 ترحال واثناء استقبال الملك لرئيس المجلس واعضاء مكتب المجلس طرح سؤال كيفاش هاد الترحال السياسي، كاينا تجارب دولية تمنع الترحال السياسي …”.

الطالبي قال بلي خاص نقولو المواقف ديالنا، واخا نجيو الثانيين، موضحا :”مزيانين نجيو الثانيين ونوضعو الشروط ووزارة المالية والله لا شافها”، واضاف بلي “والله لا كانت ليه “.