- بركة يرمي كرة “النظام الأساسي” بملعب الحكومة.. هل يراوغ الوزير النقابات لربح الوقت؟
- مصدر لبناني يكشف للجزيرة أجندة المحادثات مع إسرائيل وسقف بيروت التفاوضي
- رفض مغربي لطائرة إسعاف تقل حالات مشتبه بإصابتها بـفيروس "هانتا"
- حادث مأساوي بميناء بني أنصار يودي بحياة سائق شاحنة للنقل الدولي
- زامبيا تجدد الدعم لمغربية الصحراء وتراهن على توسيع التعاون الثنائي
- “تفويت المرافق” ينهي عقد الانسجام ويشعل مواجهة حادة بين الاستقلال والبام بالبيضاء
- بريجة لـكود: “الفوضى والشناقة لي كانو فولاد زيان غادي يتحيدو”.. المحطة فشكلها الجديد كلفات 10 دالمليار عوض 7 مليار لي كانت مبرمجة في اللول وغادي تتحل من هنا لشهرين .
- "دركي الصرف" يحقق في تحويل أرباح صادرات إلى حسابات خارج البلاد
- حرب إيران.. بزشكيان يجتمع مع المرشد وتصعيد إسرائيلي جنوب لبنان
- الإمارات تؤسس لجنة وطنية لتوثيق العدوان والجرائم الدولية
- رئيس إيران يُعلن عن اجتماع جمعه بالمرشد مجتبى خامنئي
- "الهوس الأرجواني" يجتاح العالم.. والمزارعون يعانون
- السعدي: تعاونيات مغربية تصنع حقائب علامات فرنسية فاخرة وتحقق أرباحا بالملايين
- لفتيت غايجتمع مع زعماء الأحزاب لإنقاذ "صناديق الاقتراع" من المقاطعة: كيفاش وزير الداخلية ومعه زعماء الأغلبية للي خرجات عليهم جبروت تسريبات خطيرة باغين يقنعو المغاربة بالمشاركة .
- المرابط: إتاحة المعلومة للمواطن أضحت واجبا قانونيا لتعزيز الثقة في المؤسسات
- “النصاب القانوني” يثير الجدل في دورة ماي لمجلس البيضاء.. والرميلي: الإجراءات سليمة
- الهشاشة المالية تضغط على حضور بعثة "المينورسو" في الصحراء المغربية
- وثيقة: إيران تضع قواعد جديدة لعبور مضيق هرمز لترسيخ سيطرتها
بريجة لـكود: “الفوضى والشناقة لي كانو فولاد زيان غادي يتحيدو”.. المحطة فشكلها الجديد كلفات 10 دالمليار عوض 7 مليار لي كانت مبرمجة في اللول وغادي تتحل من هنا لشهرين .
أميمة عطية كود كازا ///
كشف أحمد بريجة النائب الأول لرئيس عمالة الدار البيضاء، اليوم الخميس خلال الدورة العادية لشهر ماي ديال مجلس الجماعة، في تصريح لـ”كود”، بلي المحطة الطرقية الجديدة ديال ولاد زيان قربات تسالي وغادي تتحل فهاد الشهرين الجايين، بعدما وصل الغلاف المالي ديالها لـ10 مليار سنتيم عوض 7 مليار اللي كانت مبرمجة فالأول.
ووضح بريجة بلي المشروع غادي يدخل كازا لجيل جديد ديال المحطات الطرقية، حيت المحطة الجديدة غادي تخدم بسيستم ديجيتال حديث وتنظيم رقمي للدخول والخروج، مع “شباك وحيد” وتدبير عصري للرحلات والمسافرين، إضافة لرفع عدد الأرصفة لـ60 رصيف باش تخفف الضغط الكبير اللي كتعرفو المدينة.
وضاف بلي المشروع ماشي غير محطة جديدة، ولكن إعادة تهيئة كاملة للمنطقة، من بينها إزالة السوق العشوائي اللي حدا المحطة، وإصلاح محيطها، خصوصا القنطرة المعروفة فطريق ولاد زيان اللي سبق ووقعات فيها حوادث خطيرة.
وأكد بريجة أن المسؤولين خداو أفكار ونماذج من محطات عصرية، خصوصا فالرباط، باش تكون محطة ولاد زيان فمستوى مدينة بحال كازا، خاصة مع الاستعدادات لكأس العالم، مضيفا بلي العاصمة الاقتصادية “ماقاداهاش محطة وحدة”، ولهذا كاين التفكير حتى فمحطات طرقية جديدة فعين الشق والحي الحسني.
وختم كلامو بلي محطة ولاد زيان غادي تحافظ على الرمزية ديالها، ولكن بحلة جديدة فيها الرقمنة، مساحات خضراء، وتنظيم حديث، والأهم أن “الشناقة” والفوضى اللي كانو معروفين فالمحطة “ما غاديش يبقاو”.
المصدر:
كود
