صراع التزكيات ف "قلعة" البرنوصي فكازا: البام واحل بين الزوات وصابري والقيدوم "بريجة" للي عينو فولاية 5 ويدخل لموسوعة "شيوخ وورثة" البرلمان .

مصدر الصورة

احمد الطيب كود كازا//

كيعيش حزب الأصالة والمعاصرة بجهة الدار البيضاء-سطات، “غليان” تنظيمي، تزامنا مع اقتراب الاستحقاقات الانتخابية، فبعدما شعلات فدائرة انفا، اليوم الأنظار كلها على دائرة البرنوصي–سيدي مومن، وهي الدائرة اللي كتعرف صراع كبير بين “صقور” الحزب وشي واخر كيقول راه الامينة العامة معاه والشباب.

وفهاد السياق، أكدت مصادر مطلعة لـ “گود” أن المكتب السياسي لحزب “الجرار” مازال ما حسمش رسميا فهوية المرشح الذي سيمثله في هذه الدائرة الاستراتيجية، غير ان صابري طلق اشاعة باش يفرض تشريحو وكيردد باللي المنصوري حسمات. طبعا عاد كاين مرشح الشباب ممثل فالمحامي المهدي الزوات.

وكان صابري عيط على صفحات وخبرهم باللي راه مرشح الحزب، كيف قلنا قبل، مصدر رسمي من البام قال ل”كود” مازال ما تحسمش

وأضاف المصدر ل”كود”، أن بريجة كيبقا “ولد الدار” وعنصر أساسي ومهم في المعادلة الحزبية والانتخابية فكازا، مشددا على أن بريجة سيدعم المرشح الجديد سواء خاض الغمار الانتخابي أم لا. طبعا هاد الشي تخربيق. بريجة يقدر يمشي لشي حزب اخر ويربح

بريجة واحد من الماكينات الانتخابية، للي عندو تجربة 40 سنة من العمل السياسي والحزب، وفاز بالمقعد البرلماني لأربع ولايات متتالية، زيد عليها رصيدو فتدبير الشأن المحلي كرئيس سابق لمقاطعة سيدي مومن.

كاين اسم اخر، تداولته صحف محلية بكازا، هو مهدي الزوات المحامي الشاب وأحد مؤسسي شبيبة الحزب، الذي دخل الحلبة كـ “جوكر” أربك التوقعات.

ويأتي هذا التدافع داخل “البام” في سياق أعم يشمل عدة دوائر، حيث تحولت التزكيات إلى “حرب باردة” بين الأعيان وكبار المنتخبين الذين يسعون لفرض نفوذهم أو توريث مقاعدهم لأبنائهم، في مقابل رغبة القيادة المركزية في تحسين صورة الحزب وتقديم وجوه قادرة على مواكبة المرحلة القادمة.

البام مع صابري غادية للحيط. اختيارات المنصوري غادية تخلي البام يوصل للرتبة الثالثة فالانتخابات التشريعية المقبلة