فأول استراحة من الجلسة بمحكمة الاستئناف فالدار البيضاء، اليوم الخميس الموافق ل 2 من أبريل ، مازال رحلة مرافعات هيئة دفاع المتهمين فالقضية اللي معروفة إعلاميا بـ”إسكوبار الصحراء”، واللي كيتتابع فيها كل من سعيد الناصري وعبد النبي البعيوي مع متهمين آخرين، استمرار تقديم الشهدات و الوثائق للهيئة القضائية.

وفي هاد السياق،بدا الأستاذ مبارك المسكيني المرافعة ديالو، بتصحيح واحد المعطى اللي كان جا فجلسة 19 مارس، موضحا بلي ذكر اسم “الحاج بنبراهيم” كان غير خطأ، وأن المقصود هو “أحمد أحمد”، وهاد الشي بخصوص تفسير بعض التحويلات المالية، وزاد عطا فقرات في المحضر.

و قال محامي الدفاع ، بخصوص المعاملات المالية، انه عندى وثائق بنكية من بنك أفريقيا، كاتبين بلي الحساب البنكي المنسوب لزكرياء الناصيري ما كانش موجود فالفترة اللي تهضر عليها المالي، وزاد أكد بلي الحساب ما كانش خدام بشكل مستمر وكان فيه حتى رصيد مدين، وقدم للمحكمة بكشف لحساب سعيد الناصري من نهاية 2013 حتى نهاية 2023، معتبرا بلي هاد الوثائق ما فيها حتى دليل على وجود ضخ مالي كبير كيفما كيتقال.

وبالنسبة لقضية نقل السيارات، قدم الدفاع أربع إشهادات كاتأكد بلي شخص يدعى ” المندوب ” ما جابش السيارات فآخر 2014، وإنما مشاو في كاميون ديال شخص آخر، هادشي كامل مثبت بشهادة هاد الشخص، ومعاه جوج إشهادات ديال مول المحل اللي كان غادي يكريه المهدوب، وزاد إشهاد من ولد المهدوب كيأكد بلي السيارات الست ديال باه، بخلاف ماجا في محاضر

وتكلم المسكيني ، على سيدة سميتها “أرير”، اللي كانت كاتبة إدارية ففريق الوداد، وقدم وثائق كاتبين بلي ما تفصلاتش فـ2023 كيفما تذكر، وإنما حابسات الخدمة ديالها من 2019، واعتبر هاد الشي دليل على وجود تناقضات كبيرة في المعلومات الواردة.
الجلسة بدأت منذ الصباح ولازالت مستمرة وغادي نشوفو اشنو غادي اخرج بيه الدفاع من بعد عند نهايتها .