كود الرباط//

توقعات مصادر “كود” باللي تعيين الحكومة الجديدة برئاسة فاطمة الزهراء المنصوري غادي يكون فـأقرب وقت، وعلى أبعد تقدير نهار الإثنين ولا الثلاثاء الجايين.
نفس المصادر أكدات باللي الترتيبات غادا ف اتجاه يدوز التنصيب البرلماني والتصويت على البرنامج الحكومي بعد ايام قليلة. غاتكون سرعة ف هاد التنصيب بعد الاخد والرد والمناقشة
.
اما التشكيلة الجديدة، حسب “كود”، كتحمل مفاجآت ووجوه نسائية أثارت الجدل.
وهاد المسار كامل وفق ما كينص عليه الدستور المغربي. الفصل 47 كيقول بلي كيكون تعيين الملك لرئيس الحكومة وأعضائها باقتراح من رئيسها، ومن بعد كيجيو المقتضيات ديال الفصل 88 اللي كتقول باللي رئيسة الحكومة خاصها تقدم البرنامج الحكومي قدام البرلمان بغرفتيه، ولا تعتبر الحكومة منصبة رسمياً وعندها الصلاحيات الكاملة إلا بعد ما تاخد ثقة مجلس النواب بالتصويت بالأغلبية. هاد العملية كتاخد وقت.
وف سياق متصل متوقع يتعقد مجلس وزاري برئاسة الملك مرتقب باش يصادق على التوجيهات العامة لمشروع قانون المالية لسنة 2027. بحيث كينص الفصل 75 من الدستور على مشروع قانون المالية كيتحط فـمكتب مجلس النواب قبل 20 أكتوبر، باش تبدأ مناقشتو والتصويت عليه قبل ما تسالي السنة.