احمد الطيب الرباط ///

البرلمانيين ديال العدالة والتنمية لي جتامعو اليوم الخميس فالرباط نتاخبو ادريس الأزمي رئيس ديالهم فانتظار مصادقة الأمانة العامة للحزب على هاد الانتخاب.

وحسب مصادر حضرات للاجتماع لـ”كود” اختار النواب ديال البيجيدي الأزمي المعروف فالأوساط الإعلامية بالبيليكي او الديبشخي ثم اختارو من بعد منو عبد الله بوانو ومصطفى الخلفي.

وهادي ضربة لعبد الله بوانو لي قاد فريق الحزب فالبرلمان بعد هزيمة انتخابات 2021، وكان قائد وبطل ديال المعارضة واستطاع يرد الاعتبار لحزب البيجيدي من خلال المعارك لي دار ضد الحكومة داخل البرلمان وكذلك فالصحافة.

وبدون تاكيد من مصادر كود، ولكن يبدو أن بنكيران نزل بالثقل ديالو باش ينصب الأزمي رئيسا لفريق البيجيدي فمجلس النواب.