في حال واجهت مشكلة في مشاهدة الفيديو، إضغط على رابط المصدر للمشاهدة على الموقع الرسمي

كود الرباط//

قال نبيل بنعبد الله، الأمين العام لحزب التقدم والاشتراكية، بلي التوجه العام اللي اعتمداتو السلطة فالإشراف هو عدم التدخل فالعملية الانتخابية لا قبل الحملة ولا وقتها، وهادشي كيشكل تقدم كبير مقارنة مع الاقتراعات السابقة.

وقال زعيم الرفاق، ف كلمة له خلال اللجنة المركزية لحزب الكتاب، صباح اليوم بالرباط، “بلي فالمقابل كاين تسخير لإمكانيات مالية هائلة فهاد الاستحقاق بشكل واضح للعيان من طرف عدد من المرشحين، وبما يتجاوز بكثير السقف المالي المسموح بيه قانوناً، مع استعمال أساليب فاسدة باش يستميلو الناخبين. مضيفا:” بلي شفنا من ضمن هاد الأساليب نموذج ساطع من خلال داكشي اللي حصل بطنجة”

وأضاف بنعبد الله بلي الحزب سجل أن التأخر النسبي فالإعلان على النتائج أثار بزاف ديال التساؤلات على الأسباب ديالو. وزاد قال أيضاً بلي عدم تسليم المحاضر فعدد من الدوائر حتى لساعات متأخرة من الليل ولا الساعات الأولى من الصباح كيتعتبر أمر غير مقبول وكيخالف القانون اللي كيلزم بتسليم هاد المحاضر.

بهاد الهجوم لي دار الرفيق بنعبد الله ممكن يزعج البام، خصوصا فاش جبد فضيحة طنجة.