عمر المزين -كود//

وضحات الخطوط الملكية المغربية حقيقة الأخبار اللي تداولوها بعض وسائل الإعلام بخصوص مساعد الطيار اللي كان معني بالحادث ديال رحلة «فلاي دبي»، بعدما تردد أنه سبق ليه خدم مع الشركة الوطنية.

وأكدات الخطوط الملكية المغربية، فبلاغ رسمي، أن مساعد الطيار المعني كان دوز فـ2025 فترة ديال التكوين النظري داخل الشركة، دامت ثلاثة شهور، وكانت هاد الفترة كتسبق إمكانية التوظيف.

وأكدات الشركة أن هاد التكوين ما كانش كيعني أنه توظف فالخطوط الملكية المغربية، موضحة أن الترشيح ديالو ترفض من بعد نهاية فترة التكوين، وبالتالي ما تمش توظيفو من طرف الشركة.

كيهدرو على البيلوط العماني اللي كان بغى يقرگع طيارة “فلاي دبي” وضرب البيلوط الهندي.

الامارات كانت وصفات العملية ب”الأرهابية”