عمر المزين – كود///

علمت “كود” أن عمدة مدينة طنجة، منير الليموري، غادي يتقدم للوكيل العام للملك لدى محكمة الاستئناف بالمدينة فور انتهاء مدة الحراسة النظرية اللي امرات بها النيابة العامة لفائدة البحث القضائي.

وحسب قانون المسطرة الجنائية، فإن العمدة غادي يبقى دبا رهن الحراسة النظرية لمدة 48 ساعة ( أي يومين) ابتداء من صباح اليوم الإثنين، قابلة للتمديد لمدة 24 ساعة أخرى إضافية.

يعني دبا، حسب القانون، فإن مدرو الحراسة فحق العمدة الليموري غادي تسالي يوم الاربعاء، لكن المسألة ديال التمديد من عدمه كيبقى مرتبط بالاجراءات اللي كيتوقف عليها البحث القضائي اللي تكلفات بها المصلحة الولائية للشرطة القضائية بطنجة.