خاص الدولة المغربية تحدد موقفها بوضوح من التطرف والإرهاب الديني، هاد تبقى شادة العصى من الوسط بيناتنا حتى لين غادي تبقى خدامة، المتطرفين وأتباعم من الشمكارة والأميين وصحاب الآدسنس كيهددو بقتل الدكتور الفايد بشكل يومي وكيطالبو من الدولة تسيفطو للحبس، والحداثيين كيشوفوا الدواعش خارجين من غيرانهم وكيطالبوا الدولة تدخلهم للحبس، ولحد الآن مادخل تاواحد للحبس، ولكن كمية التحريض على العنف والتكفير والتهديد بالايداء الجسدي والنفسي راه كثيرة، وكولشي بغا يركب على الفايد نصرة لرسول لله، كأن الرسول صلى عليه وسلم محتاج رفيق بوبكر والميلودي يدافعوا عليه.

بالنسبة ليا وفي كل فرصة الدولة المغربية كتضيع فرصتها مع التاريخ باش تتخلص من المتطرفين والإرهابيين والأصوليين وتنقي وتطهر البلاد منهم، بحال لي دارت السعودية ومصر والصين وسينغافورة وعدة دول في آسيا الوسطى، قتانعوا وعرفوا أنزالمتطرفين ديما خلايا نائمة، على عكس الدولة المغربية لي جرات فيها أنهار من دم المواطنين الأبرياء والأجانب بالعمليات الإرهابية من مختلف الأنواع ومنها لي موثق بالفيديو، مخلاو حاجة مستعملوهاش القنبول الاحزمة الناسفة الجناوا البوطات السواطر الحجز، المتطرف راه هو بحد ذاتو قنبولة غادا في الشارع ممحتاجش السلاح والامكانيات باش يقود السوايع.

التطرف الديني مدمر للمجتمعات ومسبب مباشر للتخلف، وراه ماشي نتيجة للفقر والتهميش راه هو من أسبابها وفتح الخريطة دالعالم وشوف، الدولة المغربية لحد الآن من غير داك الحملة لي دارت في الألفينات وكانت نتيجتها محدودة، هادوك نيت لي تشدو فاش خرجوا اما بقاو ماطرفين هنا او لتاخقوا بمناطق النزاع، وبقات الأسباب والظروف والعقلية لي خرجاتهم هي هي، خاص التطهير يبدى من المدارس والجوامع والمقررات والكتب الدينية والقوانين المغربية والدستور، العلمانية راه مابقاتش مطلب نخبوي غير خضرة فوق طعام، راه من اهم النطالب الشعبية واخا مكيتعبرش عليه بشكل واضح ولكن راه الالاف ديال المغاربة كيهربوا للبلدان العلمانية، وخلينا من الفقراء والبطاليين، راه كيهربوا الأطباء والمهندسين والاستاذة والمحامين وبزاف، كيهربوا من هاد الرمادية لي غارق فيها المغرب متعرفوا شناهو او معامن،