قبل ساعات من بدء وضع الترشيحات رسميا. لقجع مستبعد يترشح للبرلمان .

مصدر الصورة

كود الرباط//

علمت “گود” من مصادر بلي عكس ما كان متوقعا بترشيح فوزي لقجع، عضو المكتب السياسي لـ”البام” والوزير المنتدب المكلف بالميزانية، فالدائرة الانتخابية لمدينة بركان، لقجع موحال يترشح، فهاد الدائرة.

اختيار عدم ترشح لقجع، كان موفقا حسب مصادر “گود”، باش ميتفسرش بلي مرشح عائلتو ف الشرق، بعدما تمت تزكية زوجته هدى المغاري، عضو المكتب السياسي للبام، على رأس اللائحة الجهوية للنساء.

لقجع واخا عندو قدرة يربح مقعده برلماني ف بركان، اختار يخلي نفس الوجه للي هو محمد ابراهيمي، وهو صديق مقرب له، وعندو فيه ثقة كبيرة، نظرا للخدمة لي كيدير ف بركان، لقجع مبغاش يهرس وتيرة ابراهيمي وخلاه يكمل ف نفس الطريق.

يشار بلي متوقع يمشي لقجع رفقة قيادات بامية باش يديرو تجمع حزبي حاشد بمدينة وجدة خلال الأيام القليلة الجاية، وهو المحفل التنظيمي لي غادي يعلنو فيه قيادات مواقف ضد الاحرار، للي كانو مؤخرا ف وجدة فلقاء كبير.

وغايجي لقاء وجدة مور التحركات السياسية المكثفة لي قادها لقجع فجهة سوس ماسة، وتاونات وعدد من المناطق، ولي وجه فيها رسائل سياسية واضحة كايأكد فيها بلي الدخول ديالو للمكتب السياسي للحزب كايجي فإطار ممارسة حقه الدستوري كمواطن، وبهدف التركيز على القضايا الاقتصادية والتنموية الحقيقية وبناء الثقة مع المواطنين والشباب بعيداً على السجالات الجانبية.

هذا، واعتمد البام خطة استمرار الوجوه بجهة الشرق بتعيين ابراهيمي وكيلا للائحة التراكتور ببركان، وهو صديق مقرب من لقجع، رضوان بوكطاية (جرادة)، وعبد القادر حضوري (وجدة أنجاد)، وعبد الرحمان السهلي (تاوريرت)، وحميد الشاية (فجيج)، ومحمد المومني (الناضور)، ومحمد البرنيشي (جرسيف).