البي بي إس: الانتخابات الجايا خاصها تقطع الطريق على "تجار الانتخابات" وتدير القطيعة مع الحكومة لي كاينة دابا .

مصدر الصورة

عمر المزين – كود//

شدد المكتب السياسي ديال حزب التقدم والاشتراكية على ضرورة باش تكون الانتخابات التشريعية المقبلة محطة لإفراز أنزه وأكفأ الطاقات القادرة على مواجهة التحديات الديمقراطية والحقوقية والاقتصادية والاجتماعية اللي كيعرفها المغرب.

وأكد الحزب على ضرورة تنظيم الانتخابات فمناخ عام إيجابي، وعلى أن يكون التنافس نزيه ومتكافئ وعلى أساس البرامج والتصورات، بعيداً عن استعمال المال والفساد من طرف ما وصفهم بـ”تجار الانتخابات”، اللي اعتبرهم الوجه الآخر لـ”فراقشية الفضاء الاقتصادي”.

وفي هاد السياق، استنكر الحزب بشدة الممارسات السياسوية المشينة والأساليب غير المشروعة اللي كتنتشر فالمجال الانتخابي، معبراً عن رفضه للانحرافات السياسية والتصرفات المغرضة والإغراءات غير الأخلاقية اللي من شأنها تزيد تكرس العزوف الانتخابي والنفور السياسي.

وحذر التقدم والاشتراكية من أن هاد الممارسات كتساهم فترسيخ الاعتقاد وسط المجتمع بأن “لا جدوى من الانتخابات” أو أن نتائج العملية الانتخابية “محسومة سلفاً”، معتبراً أن هاد السلوكات كتقوض أسس ومرتكزات البناء الديمقراطي والمؤسساتي، وكتزيد من أزمة الثقة والمصداقية.

وأكد الحزب أن الانتخابات المقبلة خاصها تكون فرصة للمواطنات والمواطنين باش يقطعو الطريق على مفسدي العملية الانتخابية، ويساهمو بمشاركة واعية فصنع التغيير، وإحداث القطيعة مع الحكومة الحالية، اللي وصفها بالفاشلة، واتهمها بالتطبيع مع الفساد والريع، والسقوط فـ”تضارب المصالح”، وخدمة مصالح لوبيات الأوليغارشية على حساب عموم المغاربة، خصوصاً الفئات المستضعفة والمتوسطة.