رؤساء فرق وبرلمانيين مجاوش بسباب غياب جوكير الميزانية لقجع فتقديم اطار قانون مالية 2027: الوزيرة فتاح بانت مختالفة على فوزي وما قدرتاتش تشرح الوضعية كيف كدير .

مصدر الصورة

كود الرباط//

اليوم فالاجتماع المشترك للجنتي المالية دبال مجلس النواب ومجلس المستشارين، لتقديم الاطار العام لإعداد مشروع قانون المالية لسنة 2027، وكذا البرمجة الميزانياتية لثلاث سنوات 2027 – 2029، كان غياب فوزي لقجع، الوزير الجوكير في قطاع الميزانية، عندو تأثير كبير سواء على مستوى الحضور وكذا التفاعل للي تيكون معه فالكواليس والكولوار ديال القاعة 11.

فهاد اللقاء جات غير وزيرة المالية نادية فتاح علوي، باش تقدم المؤشرات بلا ماتشرح وتفصل وتوضح وتدافع بقوة على حصيلة حكومتها، بانت ضعيفة بزاف. عكس الجوكير لقجع فاش كيحضر كيكون التواصل افضل وكيشرح ويملح، وحتى يلا بغا شي حد فالمعارضة يتزايد بنقطة نظام كيخليه يهضر ويرد عليه.

غياب لقجع اليوم فلقاء لجنتي المالية للمجلسين، كان عندو أثر واضح ، اولا عدد من رؤساء الفرق محضروش وما تسوقوش لفتاح العلوي، للي جابت معها واحد مكلفة ليها بالتواصل كتمنع الصحافة يقربو للوزيرة ولا يسولوها.

طبعا هاديك ما كتهمهاش تواصل الوزيرة، حيث قالتها هادي اخر ايامها ومابغيناش يستجل عليها كادير حملة انتخابية بالتصريح للصحافة. هاد الغبية خلات لاماب بوحدها تاخد تصريح ومنعات باقي وسائل الاعلام.

باش تعرفو نيفو ديال كل وزير، فمثلا لقجع كيحضر بلا هادو ديال التواصل. الوزيرة نادية فتاح علوي كانت كتهضر بصوت منخفض بزاف وبانت فشي شكل فالعرض ديالها.

فالعادة فمثل هاد المناسبة للي كيحضرو ليها رؤساء البرلمان (الغرفتين) محضروش هاد المرة وكلفو نوابهم. فاش كيسالي الاجتماع وحتى قبلو كيكونو لقاءات ونقاشات ف الكواليس مع الوزراء. مع علوي مكانش هادشي، فاش سالات عرضها جاو قلة قليلة من البرلمانيين سلمو عليها، سلام الوداع وصافي.

طبعا للي مشا يتملق ليها، هو رئيس الفريق الاشتراكي عبد الرحيم شهيد، اضعف رئيس فريق فالمعارضة، مافيدوش، وفاشل سياسيا وحتى المهام لي تكلف بها ما عرفتش يديرها. كان كان فلجنة الرياضة وكان همو غير السفريات