فالوقت للي كتعرف فيه العلاقات المغربية الفرنسية دينامية استثنائية وطفرة نوعية تجسدت في توقيع اتفاقيات استراتيجية كبرى وعقد اللجنة المشتركة بحضور وفد رفيع المستوى يضم 12 وزيرا فرنسيا فهاد الاسبوع، وفي سياق تاريخي مطبوع باعتراف باريس الصريح بمغربية الصحراء، أثار عبد الإله بنكيران، الأمين العام لحزب العدالة والتنمية، الجدل من جديد بتصريحات نارية وجه فيها مدفعيته مباشرة نحو الرئيس الفرنسي إيمانويل ماكرون.

https://www.facebook.com/share/v/17LJ1FGFQM/?mibextid=wwXIfr

بنكيران، اللي فلقاء حزبي فسياق الحملة الانتخابية السابقة لأوانها، عبر على مواقف حادة تجاه ما يعتبره “تدخلاً فرنسياً” أو محاولة للتأثير في الشأن الداخلي المغربي، لا سيما ما يتعلق بالانتخابات والتوجهات السياسية للمملكة.

وجاء فالكلمة التي ألقاها بنكيران وبثتها القنوات الرسمية للحزب ما يلي:”الانتخابات هاد العام خَصّها تكون تاريخية في المغرب ويشهدوا المغاربة كاملين، ماشي ماكرون! لأن في 2021 أول واحد هَنّا المغرب هو ماكرون.. أش دّاك أسي ماكرون نتا في المغرب؟ ياك ما هنيتينا حيت طلعوا المرشحين اللي قراب منك؟ حنا أسيدي راه متبعينش لماكرون، حنا هادي بلاد ديال المغرب، ديال الإسلام، وديال المسلمين، وديال أمير المؤمنين.. هادشي اللي كاين. ما يدخل فينا لا ماكرون، ولا ميكرون، ولا ميكروب، ولا حتى شي واحد من هاد الباكور الهندي كامل!”.
كتجي هاد التصريحات فالوقت للي الدبلوماسية الرسمية للمملكة كادير مجهودات باش تقوي الشراكات الدولية وتثبيت مغربية الصحراء عبر انتزاع اعترافات واضحة من قوى دولية وازنة كفرنسا.
واستحضر بنكيران كواليس انتخابات 2021 التي مني فيها حزبه بهزيمة قاسية، متهماً بشكل غير مباشر الرئيس الفرنسي بالترحيب بنتاجها نظراً لصعود قوى سياسية ربما في مخيلة بنكيران “مقربة من فرنسا”.

استعمال مصطلحات ساخرة مثل “ميكرون وميكروب والباكور الهندي” جزء من قاموس بنكيران فالسياسة، وسبق قال شي قندوح فاش كان كيهضر على مستشاري الملك، ولكن موراها بايام قليلة خرج باعتذار.