باقي المغرب كيبين بلاصتو كواحد من أبرز الوجهات السياحية اللي كتعجب المهنيين ووكالات الأسفار ففرنسا، خصوصاً في موسم صيف 2026، بخيت انه آخر المعطيات كيكشفو على أن الطلب على السفر للمغرب باقي كيعرف نمو ملحوظ، وسط منافسة قوية بين الوجهات السياحية العالمية.

وحسب مؤشر متخصص صادر عن مؤسسة “أوركسترا”، واللي كيعتمد على مبيعات وكالات الأسفار الفرنسية سواء عبر الإنترنت أو داخل الوكالات، فالحجوزات للمغرب طلعات بأكثر من 13% مقارنة مع نفس الفترة من عام 2025، وهو رقم كيحط المملكة ضمن أكثر الوجهات دينامية فالسوق الفرنسية.

ولها السياق ،المهنيون كيرجعو هاد الأداء الإيجابي لعدة عوامل، من يينها القرب الجغرافي بين المغرب وفرنسا، وتوسع شبكة الرحلات الجوية اللي كتوفرها شركات بحال الخطوط الملكية المغربية وإير فرانس وترانسافيا، بالإضافة إلى شركات الطيران زخيصة تكلفة ، الشي اللي سهل التنقل وخلا المغرب خيار مناسب لفئات مختلفة من المسافرين.

وزيادة على هاد الشي، كيبقى التنوع السياحي من أهم نقاط القوة ديال لمغرب، بحيت كتوفر خيارات متعددة كتجمع بين السياحة الشاطئية، وزيارات المدن العتيقة، والجولات الثقافية، والإقامات الفاخرة، وهو ما كيمكنها تلبّي انتظارات شرائح واسعة من الزبناء.

ومن جهة أخرى، الصورة الإيجابية ديال المغرب وسط مهنيي السياحة الفرنسيين تقوات أكثر بعدما منحات نقابة مقاولات تنظيم الأسفار بفرنسا (SETO) للمملكة، في شهر فبراير لي فات، أول جائزة خاصة بـ”أفضل وجهة شريكة”، اعترافاً بجودة التعاون مع المكتب الوطني المغربي للسياحة، وبالنتائج اللي حققتها الوجهة المغربية خلال السنة الماضية.

وكيشوف عدد من الفاعلين فالقطاع أن المغرب كيبقى من بين الوجهات اللي كتقدم أفضل توازن بين الجودة والثمن، خصوصاً فظل توجه عدد كبير من الأسر الأوروبية إلى التحكم أكثر فميزانية العطل ديالها.