بنت الباشا ولا النفاق السياسي اللي كتقول جات باش تحاربو. هاجمات لقجع ف 2023 بعد 3 سنين قالت راه كيشبه لينا وحداثي وو .

مصدر الصورة

كود احمد الطيب الرباط //

هادي 3 سنين وبالضبط نهار 8 يوليوز 2023 بقاعة فسلا هاجمات فاطمة الزهراء المنصوري فوزي لقجع. ديك الساعة كانت رئيسة المجلس الوطني للبام قبل ما تولي منسقة ليه او راس من الريوس 3 اللي جارا التراكتور.

كانت من ديك الساعة الهدرة على امكانية التحاق لقجع بالحزب، فلقاتها مناسبة باش تهاجمو بطريقة فيها السم المراكشي. قالت فجواب على تدخل عضو فالمجلس على ما راج عن امكانية قيادة لقجع لحزب الاصالة والمعاصرة مستقبلا، باللي لقجع عندو مسؤوليات ومهام كثيرة منها انو هو زميل فالحكومة وباللي هاد المهام كتجاوز الحزب.

المنصوري هادي 3 سنين كانت رافضة حتى انضمام لقجع للحزب. قالت عندو مهام كثيرة.

فيونيو 2026 قالت عكس هاد لكلام. خرجات باش دافع على راسها فقضيحة “تسلطانت” وقالت باللي “فوزي لقجع قريب من توجهات الحزب” وباللي كيشاركو “فكرو الحداثي” وباللي ابواب التراكتور مفتوحد لاستقطاب الوزير المنتدب المكلف بالميزانية لانو “كفاءة وطنية تحظى بتقدير واسع”.

راه ف2023 كان حداثي وكان =ومازال= كفاءة وطنية وكان =ومازال= عندو شعبية وكيحضى بتقدير واسع. اللي تبدل هو الخطاب ديال المنصوري.

بنت الباشا خرجات هادي 3 سنين باش تهاجمو بهاديك العبارة “راه عندو مهام كثيرة” اي سير ديما فمهامك وصافي وبعد من حزبنا، واليوم كتقول “مرحبا بيك يا سيدي”.

المنصوري كتقول باللي جاية بخطاب جديد صريح مع المواطن. هاد الشي الي قالتو راه هو النفاق اللي كدعي جاية باش تحاربو.

راه ماشي هي اللي كتحدد واش فوزي غادي يولي بامي ولا اللا. راه خرج فتصريح اعلامي قال باللي هو مازال ما نضم حتى لشي حزب وباللي نهار يديرها هو اللي غادي يعلن عليها.

بنت الباشا فداخلها ما باغياش كفاءة بحال فوزي يجي للحزب. خايفة على منصبها. كتعرفو كزميل فالحكومة كيفاش كيخدم.