علنت الوكالة الوطنية للموانئ أن مرسى كازا عرف تحسن مهم فالأداء ديالو فهاد الفترة لخرا، بحيت خففو زحام بحوالي 50%، بفضل نظام جديد فالتدبير والتنسيق بين جميع المتدخلين داخل لبور.

وحسب بلاغ للوكالة، هاد التحسن جا رغم ظروف صعيبة بزاف، خصوصاً من دجنبر 2025، بحيت أدات تقلبات لمناخية لقوية فإيقاف الملاحة لمدة تقارب 38 يوم، إضافة إلى حادث وقع ففبراير 2026، اللي زاد الضغط على السير العادي ديال لمرسى..

ووصخات لوكالة في نفس لمصدر
أن سبب زيادة ديال سلعة ،خصوصاً واردات الحبوب وعلف لبهايم، بما ان لمرسى كتلعب دور مهم فتموين السوق الوطني بنسبة كبيرة من هاد المواد، كان حتا هم عامل في ضغط ، إضافة إلى رموكات مرتبطة بالمشاريع الاقتصادية الكبرى فالمغرب.

وأكدات هاد لخرا ، فبلاغها أنه باش يتداركو هاد الوضع، تم اعتماد نظام تدبير جديد كيعتمد على تتبع دقيق لحركة السفن داخل وخارج الميناء، وتنظيم توزيع الأرصفة، وتسريع عمليات تفريغ وإخراج سلعة، مع فرض احترام الآجال ديال التفريغ، ومعها آليات تتبع عند الجهات اللي كتوصلها السلع.

وفهاد السياق ، تعطات الأولوية لسفن الحاويات لي خاويا وبعض السفن المرتبطة بالمواد الأساسية، وتنظيم الخدمة بنظام ثلاث ورديات باش الخدمة تبقى دايرة 24 ساعة على 24، مع تحسين وسائل النقل والمراقبة والتنسيق بين جميع الفاعلين.

وأكدت الوكالة أن هاد التدابير مكنت من رجوع الانسيابية تدريجياً داخل لبور، وتحسن واضح فمدة انتظار السفن، خصوصاً ديال الحاويات والبضائع.

ومن جهة أخرى، أكدت لوكالة أنه كاينين مشاريع كبار فطور الإنجاز، من بينها توسيع محطات الحاويات، وتعميق الأرصفة باش تستقبل بواخر كبار، وبناء مخازن جديدة، وزيادة فرقمنة الخدمات، بهدف رفع الكفاءة ديال لبور فالمستقبل