مصطفى المزابي//
عرفات جماعة الخيايطة نواحي حد سوالم صباح اليوم لاربعا جريمة قتل خايبة، مشا ضحيتها شاب فعمرو 30 عام على يد مجموعة من المجرمين بعدما تعرضو ليه مني كان راجع من الخدمة فوق مطور قبل ما يسرقوه ويقتلوه .
تفاصيل هاذ الجريمة، حسب ما عاودو الناس لـ”كود “، الشاب كان جاي من الخدمة فوق مطوور حتى تعرضو ليه مجموعة ديال القطاطعية حدا سطاسيون ديال المازوط فجماعة الخيايطة او هجمو عليه بوحشية وضربوه حتى مات وسرقو ليه الموطور وكشطوه من اللي هاز، وخلاوه مرمي فالطريق وهربو.
الضحية هو ولد خو الرئيس السابق ديال جماعة أولاد عزوز، والخبر صدم العائلة ديالو وساكنة الخيايطة وأولاد عزوز كاملة.
الجندارم فتح تحقيق تحت إشراف النيابة العامة المختصة، بعدما عاينات الجثة لي رسلوها لمصلحة الطب الشرعي باش تخضع لتشريح طبي لفائدة البحث القضائي بعدما خلات الجريمة صدمة وقلق وسط الساكنة لي كطالب بأقصى العقوبات على هاد القتلة اللي خلعو الناس.
المصدر:
كود