صادق مجلس جماعة الدار البيضاء، فدورتو الاستثنائية نهار الجمعة 19 يونيو ، على مجموعة ديال القرارات المهمة اللي كتهم قطاع النظافة فالمدينة، فإطار إعادة تنظيم هاد المرفق العمومي وتحسين جودة الخدمات اللي كتوصل للساكنة.

هاد الدورة عرفت دراسة وتصويت على بزاف ديال النقاط المرتبطة بقطاع النظافة، من بينها تدبير المرفق العمومي فمقاطعات بن مسيك ومولاي رشيد، و المصادقة على اتفاقيات ديال ممارسة وتتبع خدمات النظافة، إضافة لتدبير المرحلة الانتقالية ديال المطرح العمومي ومصنع معالجة النفايات.

وتم تصويت على تحويلات مهمة بين عدد من المقاطعات، خصوصاً بأنفا ، الحي الحسني عين الشق ، عين السبع الحي المحمدي ، وسيدي بليوط، فإطار إعادة توزيع المهام وتحسين الخدمة الميدانية ديال النظافة، باش تولي أكثر نجاعة وتنظيم.

وعرفات دورة حتا مصادقة لمجلس على نقاط أخرى مرتبطة بطريقة الاشتغال والمراقبة، الهدف منها هو تقوية التتبع ديال الشركات المفوض لها القطاع، وتحسين جودة الخدمات المقدمة للساكنة، ومعالجة الاختلالات اللي كانت فالتدبير.

ومن ناحية الكلفة، فالميزانية السنوية ديال قطاع النظافة 133 مليار سنتيم، مع إمكانية تعديلها حسب تقلبات السوق، خصوصاً أسعار المحروقات اللي كتأثر مباشرة على المصاريف.

هاد الإصلاحات كاتجي فإطار باش ترجع كازا نقية ، وتقوى قطاع النظافة وترجع لمدينة بلا وسخ ومستدامة .

الدار البيضاء

المصدر: كود

الصفحة الرئيسية

مجلس الدار البيضاء صادق على إصلاح شامل لقطاع النظافة بميزانية 133 مليار سنتيم .

أخبار ذات صلة

"السكك" يطلق عروضا استثنائية للسفر

المغرب يروج لمؤهلاته الاقتصادية خلال لقاء استثماري بسويسرا

إقرأ أيضا

اتفاق إيران.. ترمب يحذر من عواقب إفشال الاتفاق وإسرائيل تعلن وقف إطلاق النار بلبنان

هل بدأت الجامعات تطبيق رسوم الكتوراه بأثر رجعي؟.. جامعة وجدة تشعل الجدل وطلبة يهددون بـ”انسحاب جماعي”