القضية تاع مول الملاسة الطاشرون الخيمة خاص يتعاد النظر فيها، وواحد الفيلم تاع شي موظف كان كيخدم فالكتابة الخاصة ديال قائد لملحقة الإدارية سيدي مسعود فكازا، وهو اللي تعتاقل في 16 نونبر 2021، بعد كمين نفذاتو الفرقة الوطنية، وضبطات الموظف متلبس بتسليم شهادة إدارية مزورة، تتعلق بإشهاد الشلطة على أن العقار المطلوب ما فيه لا أملاك الدولة ولا الأحباس ولا أي حاجة، وبيها كيتنجز مطلب التحفيظ وكيدوز العقار من المراحل القانونية باش يولي تيتر.

دابا الفرقة الوطنية هي اللي شدات الموظف، وصيفطاتو للنيابة العامة، السؤال المطروح هو شحال من شهادة إدارية زور هاد مسخوط الوالدين، وشكون اللي استعملهم، واشنو وقع فالمطالب اللي تنشأت بشهادة إدارية مزورة، وفين هي المسطرة المرجعية ديال هاد الضوصي، حيث تزوير شهادة إدارية جريمة مستقلة، واستعمالها جريمة أخرى مستقلة بدورها، وخاص النيابة العامة، ترجع الملف ديال هاد الموظف للفرقة الوطنية باش تقلب على جميع العقارات اللي تحفظات بيها، والمتورطين، حيث ما بني على باطل فهو باطل.

فيلم آخر ديال واحد سميتو م. ع. ط، هاد السيد كان هو أول واحد تعامل مع الطاشرون الخيمة، هو ماشي مالك ودار معاه وعد بالبيع ديال مطالب تحفيظ عقارات موجودة في كاليفورنيا 2، طبعا هاد المنطقة من المناطق اللي كيفضلو المرفحين يسكنو فيها، وكان الخيمة عارف بلي حتى هو نصاب، غير قضى معاه الغراض وهددوا وطلب منو يتنازل ليه على مطالب التحفيظ، ملي ما بغاش، دار بيه شكاية، ديال التزوير، ودخلو للحبس.

المشكل أن هاد م. ع. ط، مللي دخل للحبس ولا كيطلب باش يخرج، ودار وكالة لأمو وهو في الحبس، باش تكمل مع الطاشرون الخيمة وتبيع ليه كلشي المطالب اللي مزورة، ومن بعد ثلاثة أشهر فالبنيقة، خرج م. ع. ط من الحبس بعد ما تنازل ليه الخيمة.

دابا بغينا نعرفو واش التزوير فيه التنازل، وكيفاش خرج هاد خينا من الحبس بمجرد تنازل من الخيمة، هيا هذا عندو سوارت الحبس. أما القضية الأخطر، وهي كيفاش هاد الخيمة خذا هاد العقارات بوكالة من والدة م. ع ط، رغم أنه كيعلم بللي هيا مزورة، وهاد التزوير هو سبب دخول م. ع. ط للحبس؟

دابا ملي كيحصل الخيمة كيقول بللي دار شكاية ضد المزور، وهو ضحية، ولكن علاش تشري المزور، وتكمل وانتا عارف بلي اللي باع ليك ما كيملكش، غير نصاب مزور.

وموقفش عند هاد الحد بل كمل وزاد وبقا على نفس النهج اللي دوا ولا دار شي تعرض يدخل للحبس ولو بتهمة الابتزاز، ومللي يدخل يتنازل، ويخرج.

هادي ممفهوماش والسلطة القضائية خاصها تبحث فهاد الملفات، باش نعرفوا شكون عندو سوارت الحبس واش الخيمة ولا المحكمة.

هاد الخيمة راه داعمو غير ملايري سمسار كيستغل الصحافة وكيسيء ليها. فكل تحرك ليه مللي كان فالتعاونيات حتى اليوم، ديما معاه