كيفاش ما عتاقلوش القيادي البامي إمبراطور لفروماج؟ حقوقي ل"كود": افعال اقل خطورة نفس قاضي التحقيق والوكيل تابعو فيها متهمين فحالة اعتقال .

مصدر الصورة

كود كازا ///

قضية الامين العام الجهوي للبام فكازا اللي استاقل ولملايري امبراطور لفروماج عبد الرحيم بن الضو مازال مثيرة. كان قرار سحب جواز سفرو وإغلاق الحدود عليه، لكن حقوقي يدافع على صحة لمغاربة استغرب بزاف من هاد القرار “راه افعال اقل خطورة من اللي متابع عليها بن الضو وقرر نفس قاضي التحقيق والوكيل العام قرار المتابعة فحالة اعتقال. راه كيمس صحة لمغاربة وافعالو خطيرة وكان يتابع فحالة اعتقال ماشي يغلقو عليه الحدود” يشرح ل”كود”

ملف عبدالرحيم بن الضو راه مازال موضوع التحقيق من طرف قاضي التحقيق لدى محكمة الاستئناف بالدارالبيضاء من أجل تهم ثقيلة. مصدر كود تساءل واش كاينة شي جهات مخبية كتحاو التأثير على القضاء من أجل تاجيل قرار متابعته من أجل بيع مواد فاسدة …. حتى تسالي الانتخابات التشريعية اللي غادية تكون فشهر شتنبر اللي جاي

مصادر “كود” تحدثات على مناورات سياسوية متأكدة باللي غادي يتأجل الملف حتى تسالي الانتخابات.

طبعا هاد الشي كيضرب فالصميم المبادئ الدستورية و الخطب الملكية اللي كتشدد على تخليق عمل الفاعلين السياسيين ، و اعطاء القدوة للمواطن في احترام القانون ، و محاربة الفساد و سيادة العدالة.

راه ميزان العدالة كيقتضي المساواة بين جميع المواطنين أمام القضاء ، و لا يمكن بأي حال من الأحوال محاكمة المواطن البسيط و متابعته في حالة اعتقال من أجل أفعال أقل خطورة مما ارتكبه عبدالرحيم بن الضو و الحال أن هذا الأخير يحقق معه في حالة سراح ، بل الأكثر من ذلك هو محاولة تأجيل متابعته إلى ما بعد الانتخابات ، و هو ما يتعارض مع مبدأ إصدار الأحكام داخل أجل معقول و الاجال الاسترشادية ، و النجاعة القضائية في تحقيق العدالة.