احمد الطيب – كود الرباط//

مساج سياسي داز صباح اليوم الاثنين، 5 أكتوبر 2026، ف الدورة العادية لشهر أكتوبر لمجلس جهة سوس ماسة، اللي كان مقرر تتنظم ف مدينة تارودانت، واللي تعذرت بسبب عدم اكتمال النصاب القانوني بعدما غاب عدد كبير من أعضاء المجلس.

الجلسة عرفات حضور ضعيف للمنتخبين، الشي اللي حال دون مناقشة جدول الأعمال وأدى ف النهاية لإلغائها ف الموعد المحدد لها.

وسجلت الدورة غياب لافت ومكثف لممثلي حزب الأصالة والمعاصرة (البام)، إلى جانب ممثلي حزب الاستقلال، وهما مكونين أساسيين ف الأغلبية المسيرة للمجلس، ناهيك على غياب عدد من أعضاء حزب التجمع الوطني للأحرار اللي كيترأس الجهة.

كما انضم للقطيعة منتخبو أحزاب الكتلة، بغياب ممثلي التقدم والاشتراكية والاتحاد الاشتراكي، وهو ما أزم الوضع وكمل على النصاب القانوني اللازم لتأمين انعقاد الجلسة والتداول ف النقط المدرجة.

هاد الغياب الجماعي كيطرح أكثر من علامة استفهام حول الأسباب الحقيقية من وراه، خاصة ف هاد الظرفية الحساسة للي كتعرف مشاورات تشكيل الحكومة.

ومن المنتظر أن يتم اللجوء للإجراءات القانونية المعمول بها ف القانون التنظيمي للجهات لعقد الدورة ف موعد لاحق. ويأتي هاد التعثر ف سياق سياسي وانتخابي خاص كتعيشو الجهة بعد الانتخابات البرلمانية الأخيرة اللي غيرات بزاف ف خريطة المشهد الحزبي بالمنطقة.