أميمة عطية – كود كازا ///

قررت المحكمة الزجرية بعين السبع بالدار البيضاء، هاد لعشية د اليوم الاثنين 28 شتنبر ، إيداع المتهمة لي ضربات بوليسي بطوموبيلتها وهي سكرانة وهو خدام فصطوب انفا , لحبس عكاشة.

وحسب المعطيات المتوفرة عند “ كود” ، المحكمة قررت تعقد جلسة فورية فهاد القضية ليوما وتعرضات لمتهمة على المحكمة وقرارت تهبطها لعكاشة ، وحددت نهار 5 أكتوبر موعد لجلسة أخرى لمواصلة النظر فالملف وتبحث في ظروف وملابسات هاد القضية .

وكانت المصالح الأمنية وقفت المتهمة من بعدما كانت هي ومرافق ديالها صايكة وهي سكرانة وخرجات فبوليسي خدام فصطوب فأنفا ومات، من بعدما هزوه لصبيطار، وفتحات المصالح الأمنية بحق فحقها .