نبيلة منيب دارتها فأنفا بالدار البيضاء، وقدرات تحجز واحد من المقاعد البرلمانية الأربعة المخصصة للدائرة، باسم تحالف اليسار، وفق النتائج الأولية اللي خرجات من بعد عملية فرز عدد من المكاتب.

منيب كانت داخلة لهاد الاستحقاق الانتخابي على رأس لائحة تحالف اليسار فدائرة أنفا، وخاضت المنافسة وسط عدد من الأحزاب واللوائح اللي تنافسات على المقاعد الأربعة ديال الدائرة.

وبهاد النتيجة، كتعاود منيب ترجع لمجلس النواب من جديد، من بعد تجربة برلمانية سابقة دخلات من خلالها للمؤسسة التشريعية لأول مرة فانتخابات 2021، عن طريق اللائحة الجهوية لجهة الدار البيضاء سطات.

عودة منيب للبرلمان جات هاد المرة من بوابة أنفا، بعدما اختار تحالف اليسار يدفع بها وكيلة للائحته فالدائرة، فمحاولة باش يرجع يحجز مقعد محلي داخل المؤسسة التشريعية.

وكان تحالف اليسار غاب على المقاعد الأربعة ديال دائرة أنفا فانتخابات 2021، بعدما كان حاضر فالدائرة خلال استحقاقات سابقة.

وترشُح منيب فأنفا كان من أبرز رهانات التحالف فهاد الانتخابات، خصوصا بالنظر للحضور السياسي اللي عندها وتجربتها السابقة داخل البرلمان، قبل ما تقدر حسم النتائج الأولية وتحجز مقعدها من جديد.

وبهاد النتيجة، كتكون منيب رجعات لمجلس النواب من بوابة دائرة أنفا، وسط استمرار عملية الفرز وتجميع المحاضر الخاصة بباقي النتائج.

وكتبقى هاد المعطيات أولية ومؤقتة، فانتظار استكمال عملية الفرز والإحصاء وتجميع المحاضر والإعلان الرسمي عن النتائج النهائية من طرف السلطات المختصة.

الدار البيضاء

المصدر: كود

الصفحة الرئيسية

منيب دارتها فدائرة أنفا.. وربحات كرسي برلماني باسم تحالف اليسر وفق النتائج الأولية .

أخبار ذات صلة

الاستقلال والبيجيدي يفوزان بمقعدين في دائرة المحمدية وأيت منا ينتظر

تأخر كبير في إعلان نتائج المحمدية وسط استغراب فعاليات الإقليم

إقرأ أيضا

الداخلية تعلن تصدر البام للانتخابات والأحرار يحل ثانيا والاستقلال ثالثا والبيحيدي رابعا

انتخابات 2026 .. "الداخلية" تعلن فوز الأصالة والمعاصرة بالمرتبة الأولى