خاص. يقدرو يدخلو ليه بالليگات. اول مجلس حكومي بعد العطلة غادي يكون فاول نهار فالحملة .

مصدر الصورة

احمد الطيب ݣود – الرباط//

كان من المفروض يكون أول مجلس حكومي من بعد العطلة الصيفية بعد غدا الخميس 3 شتنبر 2026، ولكن بسباب تمثيل رئيس الحكومة عزيز أخنوش لسيدنا فمراسيم تنصيب رئيس جمهورية ساو تومي ، خلا اجتماع المجلس يتأجل .

وعليه، غادي يكون، حسب ما علمته كود”، أول مجلس حكومي من بعد العطلة الصيفية نهار الخميس 10 شتنبر 2026، وهو نفس النهار اللي غادي تنطلق فيه رسمياً الحملة الانتخابية للاستحقاقات التشريعية.

هاد التزامن كيخلي اجتماع مجلس الحكومة يكون سخون بزاف. دابا البام والأحرار المشكلين للحكومة مع الاستقلال، منوضينها.

حسب ما علمته “كود”، فجدول أعمال هاد المجلس غيناقش مجموعة من مشاريع المراسيم والاتفاقيات، وعلى راسها مشروع مرسوم كيتعلق بتطبيق القانون رقم 36.09 الخاص بحظر استحداث وإنتاج وتخزين واستعمال الأسلحة الكيماوية وتدميرها.

وفنفس الاجتماع، غادي يتناقش مشروع مرسوم كيهم تغيير وتتميم المرسوم المتعلق بتحديد أشكال إعانة الدولة المخصصة لدعم السكن، والمنح لفائدة مقتني مساكن مخصصة للسكن، المشروع غادي تقدمو وزيرة إعداد التراب الوطني والتعمير والإسكان وسياسة المدينة.

كما غادي يكون مشروع مرسوم آخر على طابلة المجلس، كيتعلق بتغيير المرسوم الخاص بإحداث منطقة صناعية بالجرف، وهو مشروع غادي يقدمو وزير الصناعة والتجارة.

-قطاع التعليم العالي

أما فقطاع التعليم العالي حاضر بقوة فجدول أعمال المجلس، بثلاثة مشاريع مراسيم،الأول كيتعلق بتحديد تأليف وسير اللجنة الوطنية لتنسيق التعليم العالي واللجان المنبثقة عليها.

والثاني كيقترح تغيير وتتميم المرسوم اللي كيحدد اختصاصات المؤسسات الجامعية وأسلاك الدراسات العليا، عاد الشهادات الوطنية المطابقة.

أما المشروع الثالث، فكيهم تطبيق عدد من مواد القانون رقم 59.24 المتعلق بالتعليم العالي والبحث العلمي.

هاد المشاريع غادي يقدمها وزير التعليم العالي والبحث العلمي والابتكار.

-اتفاقية مع النيجر

وفالشق الدولي، غادي يدرس مجلس الحكومة اتفاقية بشأن نقل الأشخاص المحكوم عليهم بين حكومة المملكة المغربية وحكومة جمهورية النيجر، واللي توقعات فـ8 أبريل 2026.

كما غادي يتقدم مشروع قانون رقم 048.26 بالموافقة على هاد الاتفاقية، من طرف وزير الشؤون الخارجية والتعاون الإفريقي والمغاربة المقيمين بالخارج.

وبهادشي، كيجمع جدول أعمال اجتماع مجلس الحكومة بين ملفات مرتبطة بالأمن والتشريع، ودعم السكن، والصناعة، وإصلاح منظومة التعليم العالي والبحث العلمي، زيد عليها. التعاون القضائي الدولي مع النيجر.