كتعرف مدينة الدار البيضاء ورش كبير فإطار مشروع “كازا جنوب”، اللي من المرتقب يبدل خريطة التنقل فالمدينة، من خلال محطة تران فائق السرعة جديدة، وإعادة هيكلة عدد من الطرق والأنفاق.

وسبق لمجلس جماعة الدار البيضاء وصادق نهار الاثنين 17 غشت، فالدورة الاستثنائية، بالإجماع، على اتفاقية إنجاز البرنامج الأولوي لتطوير البنيات التحتية والتنقلات فالجهة الجنوبية “CASA SUD”، بغلاف مالي كيقارب 341 مليون درهم، على أساس هادشي يتنجز فـ24 شهر.

وكيشمل برنامج هاد المشروع 8 عمليات، فيها طريق جديدة بطول حوالي 500 متر، وسوتيران بمسارين تحت الطريق A3، وتوسعة طريق الواحة على مسافة كتقارب 2.5 كيلومتر، وزيد عليها سوتيران وطريق جديدة كتربط المنطقة بالأوطوروت الحضري.

ومن جهة أخرى، مبرمج تشييد جسر جديد بطول 450 متر ويزيدو يوسعو واحد من المحاور الطرقية المرتبطة بمنشآت مجموعة المكتب الشريف للفوسفاط.

وكتعتبر محطة “كازا جنوب” من أبرز مكونات المشروع، وغادي تدار فموقع استراتيجي باش تربط تران فائق السرعة بترانات والترامواي وشبكة الطرق.

والمحطة غادي تمتد على مساحة كتفوق 21 ألف متر مربع، وجرى تصميمها باش تجمع بين استقبال المسافرين وفضاءات عمومية، مع ساحة مرتبطة بالترامواي ومنصة بإطلالة على كازا.

وبخصوص التمويل، غادي تساهم جماعة كازا بـ81 مليون درهم، ووكالة التعمير والتنمية فأنفا بـ110 ملايين، وOCP بـ100 مليون، والمكتب الوطني للسكك الحديدية بـ50 مليون

الدار البيضاء

المصدر: كود

الصفحة الرئيسية

كازا جنوب: واش جماعة كازا غادي تقدر تكمل هاد التحدي قبل 2028؟ محطة "تي جي ڤي" جديدة وسوتيران وطرق بـ341 مليون درهم.. مشاريع بمساحات كبيرة غادي تسهل النقل فالمدينة .

أخبار ذات صلة

جدل داخل الاتحاد الاشتراكي حول طريقة حسم اللائحة الجهوية النسائية بالدار البيضاء

الدار البيضاء.. توقيف عشريني في حالة تخدير بعد تكسير 4 سيارات

إقرأ أيضا

عيد الشباب.. المغرب أمام سباق مع الزمن لتحويل شبابه إلى قوة اقتصادية

28 عريسا وعروسا.. قصر “عمار” بتنغير يحيي أعراسا جماعية تصون ذاكرة الجنوب الشرقي (فيديو)