هاد التصريح بالإنجازات بحال جواز الشباب كيواجه واقع مرير، واقع موثق بمشاهد “العار” فاش شباب وعائلات غادين فموجة حريگ جماعي لسبتة، واقع فضح كاع شعارات هاد الوزير المكلف بالشباب، وفضح كذلك زميلو فالحزب المكلف بالشغل والإدماج المهني والتكوين و و يونس السكوري.

بنسعيد عندو ثلاثة قطاعات مهمة، ولكن همش قطاع الشباب بزاف من غير صفقة المخيمات لي تعطات لشركة حديثة النشأة، إضافة إلى المدير المركزي فقطاع الشباب لي حسن وضعيتو الاجتماعية والاقتصادية، بحيث بدل طوموبيل من نوع فاخر اودي من موديل 2021 وشرا ديال 2025 بمعنى الفلوس موجودة.

هاد الوزير كذب على المغاربة، باش قال بلي الألعاب الإلكترونية سوق كبير وفيه مداخيل بالملايير، وشفنا كيفاش استعمل رياضة الألعاب الإلكترونية، باش يدير السياسة ويتقرب من مؤثرين بحال إلياس المالكي.. مؤثرين كثار ما عندهمش أثار ف احتجاجات جيل زيد. وحتى صحابو ف الفن كاين للي دعم هاد الاحتجاجات بحال طوطو.

الوزير لي احتكر تنظيم تظاهرات فهاد المجال للي فيها صفقات بالملايير. بطبيعة الحال تعطات لشركات محظوظة منها افون سين ديال مريم ابيدزير. عقلو مزيان على هاد السمية وشوفو الصفقات اللي خداتها فعهد بنسعيد.

نشوفو كيفاش هاد الوزير المحظوظ، دار خاويا ف عامرة للدولة، فمشاريع خدات الدعم من الدولة وروجات ليها الدولة (نيوموطورز)، وبمساعدة من الأبناك، وفالمقابل الالاف من الشباب المغربي واحل ومكاينينش فرص باش يديرو مشاريع، سواء برامج انطلاقة للي استفدوا منها بزاف بالعلاقات والوساطات، ولا برنامج فرصة الفاشل وللي خصو حتى هو محاسبة الوزيرة والمسؤولين على البرنامج.

فضيحة شركة سيارات نيو موطورز، هادشي علاش خرجو جيل زيد شي وحدين ياخدو فلوس وينجحو ويتلصقو مناصب. وناس اخرين واحلين مع الأبناك حيث ماشي سميتهم بنسعيد.

شركة مساهم فيها بنسعيد وعرفتو شكون كان يتاصل بالابناك باش يعطيوها كريدي، هي وزارة الصناعة والتجارة. اييه لان الابناك بان ليها مشروع ما فيدوش. قدموه للملك هادي سنوات وما بان فيه والو.

هاد السيارة المغشوشة للي فضحاتها “كود” ملي جابت معطيات من Alibaba.com حول الجدل المتعلق بشبهة سرقة تصميم السيارة الكهربائية الصينية Today Sunshine M1، وثمنها الحقيقي وبراءة الاختراع. وذلك بعد التصريح المثير الذي أدلى بها نسيم بلخياط، المدير العام لشركة نيو موطورز، والشريك التجاري للوزير المهدي بنسعيد، لموقع “گود”.

منصة “Ali baba” كذبات شركة الوزير بنسعيد عبر “گود” وقالت بلي السيارة الكهربائية الصينية موجودة هادي 10 سنين وعندها براءة اختراع وتصميم ديالها ومعترف بها فأوروبا وبريطانيا والسعودية وكتباع بـ6 ملايين فقط ف علي بابا وماشي تفلية… وتصريحات مدير “نيو موطورز” غير صحيحة.