شهدت محكمة الاستئناف بالدار البيضاء، اليوم الأربعاء 15 يوليوز ، وقفة احتجاجية لعدد من المحاميين ، رافضين فيها مضامين مشروع قانون مهنة المحاماة، مؤكدين على أن النص بصيغتو لي كاينا دابا كتقيس باستقلالية المهنة وما كيحترمش التوافقات اللي كانت بين مختلف المتدخلين.

وفهاد السياق، رفعو المحتجين شعارات رافضة للمشروع، معبرين على تمسك ديالهم بضرورة إشراك المحامين فكل إصلاح كيهم المهنة، ومؤكدين أن أي تعديل تشريعي خاصو يحافظ على مكانة المحاماة كأحد الأعمدة الأساسية ديال العدالة.

وأكد عدد من لمحاميين ، فشعاراتهم أن المشروع كيتضمن مقتضيات وصفوها بأنها تراجعية، وكتمس بعدد من المكتسبات والضمانات اللي كتحمي استقلالية هيئة الدفاع، مضيفين أن الطريقة اللي داز بها المشروع خلات احتقان كبير وسط الجسم المهني.

ومن جهة أخرى ، زادو شددو لمحاميين على أن البرنامج النضالي غادي يبقى مفتوح على جميع الأشكال الاحتجاجية حتا تستجاب لمطالب ديالهم ، وعلى رأسها سحب المشروع وإعادة فتح باب الحوار مع المهنيين، مؤكدين أن الإصلاح الحقيقي خاصو يكون بالمقاربة التشاركية، وبما يضمن حماية رسالة الدفاع وخدمة المتقاضين.

وبينو المحتجين على أن موقفهم ماشي ضد إصلاح المهنة، وإنما ضد أي مشروع، حسب تعبيرهم، كيتم إعداده بعيداً عن تصور ومقترحات المحامين، معتبرين أن استقلالية المحاماة خط أحمر، وأن أي قانون جديد خاصو يعزز هاد الاستقلالية وما ينتقصش منها

الدار البيضاء

المصدر: كود

الصفحة الرئيسية

محامو فكازا لوهبي : سحب مشروع القانون واستقلالية المهنة خط أحمر .

أخبار ذات صلة

الأحرار كيوجد بقوة للانتخابات.. بعدما قدم برنامجو بالأرقام للمواطنين تلاقا مع الباطرونا .

بناء السفن بالدار البيضاء يغري الكوريين

إقرأ أيضا

المغرب يطلق برنامجا خاصا لتأهيل العائدين من بؤر التوتر.. وأول فوج يضم 21 نزيلا

الأحرار كيوجد بقوة للانتخابات.. بعدما قدم برنامجو بالأرقام للمواطنين تلاقا مع الباطرونا .