في المغرب كيدارو ديما مناورات بين الجيش المغربي والجيش الأمريكي فوق الأرض المغربية، تخايل أنه في حالة إيران كانت عندها القدرات العسكرية لضرب الجيش الأمريكي وسط المغرب، كانوا غادي يخرجوا الكوفيين والمضبعين والخمينيوت الجدد ويصفقوا لهاد العملية، من بداية الحرب وإيران كتضرب الدول العربية الإسلامية لي حداها، وفاش كيتحط خبر هاد الضربات كتلقى بزاف دالمغاربة فرحانين وبالنسبة ليهم ضرب الأهداف الأمريكية في هاد البلدان حق مشروع، واخا راه الإيران كتضرب المطارات والأهداف المدنية، ولكن اللحاسة ديال الأنظمة الإرهابية بالنسبة ليهم راه أي حاجة دارتها إيران مشروعة.

تخايل أنه معانا في البلاد لي بالنسبة ليه إلى شي فلسطيني غزاوي دار عملية إرهابية في وفد من الإسرائيليين ذوي الأصول المغربية لي كيزورو المغرب، غادي يفرحوا وينشطوا ويعتابروها مقاومة بحال سبعة أكتوبر، راه هادشي خطير وفايت الطابور الخامس والدولة كتشوف فيه وسامحة فيه، هاد المواقف مكايناش حتى عند السواعدة لي من عندهم جا الإسلام شخصيا، ومع ذلك طالعة ليهم الگضية غي راسهم حاليا، عوض الإنسان يقدم بلادو على أي طرف في نزاع مسلح في العالم، معانا ناس مستعدين يوقفوا ضد بلادهم من أجل قضية لا تعنيهم.

الدولة المغربية عمرها دارت شي حملة تطهيرية حقيقية ضد الأصولية والتشدد، فيها تنقية وتطهير المقررات الدراسية من شي حاجة سميتها القضية، تطهير قطاع التعليم من الخوانجية، تطرح فكر بديل ومغاير وتتافق على هوية وطنية واضحة، هي شادة العصى من الوسط مع كولشي ودايرة الخاطر لگاع الأطراف حتى المتشددة منها، بنادم كيشوف أهم ميناء في البلاد غادي داير وقفة قبالتو بناء على إشاعة، ومكرهش يقتاحموا گاع ويعطي الاخداثيات ديالو لشي صاروخ إيراني او غزاوي، هذا راه الطابور العاشر ماشي غير الخامس.