الجدارمية د برشيد طلقو قرطاسة فالسما باش يشدو بزناز كان مخبي ففيرمة ديال مرا وعندو اكثر من 30 مذكرة وهدّدهم بسيف .

مصدر الصورة

مصطفى المزابي – كود برشيد //

اضطرّ الجندارم ديال سرية برشيد مساء اليوم الجمعة الى إطلاق رصاصة تحذيرية فسماء من سلاح الوظيفي بعدما قاومه بزناز كان موضوع 30 مذكرة بحث وطنية كان تسخدم في بلاصة خارجة عن برشيد ،او كان مخبي وسط فيرمة فلاحة نواحي برشيد في ملك سيدة .

تفاصيل العملية حسب مصادر ” كود ” ، بدات ملي تقدمات واحد السيدة ببلاغ لمركز درك برشيد ، قالت ليهم بلي الفيرمة ديالها اللي مخلياها فيها العساس لمدة 3 شهور، ماشت ليها وجدت ناس غرباء فيها وسيارات فاخرة .

المصدر ذاته قال ،ان بعد ما سمعو الجندارم إلى السيدة في محضر رسمي انتاقلو معاها لفيرما ،او ملي وصلو تفاجؤو بان العساس وصاحبو مجموعين تماك تضربن الطاسى غير شافو الجندارم هربو وخلاو البلاصة خاوية ، ولكن الشك ديال الجندارم ما وقفش ملي فتشو مزيان فالفيرمة، بان ليهم طوموبيل فاخرة مخبية ، بحيت قصدوها خرج ليهم واحد الشخص او جبد عليهم سيوف او قاومهم .

واضافت المصادر ديانا ،ان بعدما قومهم ركب فالسيارة ديالو او هرب ا،الأمر لي خلا عناصر الجندازم تطارده ، بحيت عطاوه إشارة باش يوقف، ولكن هو ما بغاش وغامر وهرب. فداك اللحظة تلقات رصاصة تحذيرية فالسما باش يوقفوه ، بعدها تم شل حركة ديال الطوموبيل الفاخرة لي كان راكب فيها البزناز او شدوه ، وجابو لمركز الدرك الملكي باش يبدا التحقيق.

دبا راه المحجوز لي تحجز فالفيرما هو جوج ماطر او 2 طوموبيلات واحدة فاخرة من نوع بورش كيان دابا البحث مازال مفتوح تحت اشراف النيابة العامة المختصة باش يشدو العساس والمرافق ديالو اللي هربو، بعدما حطو البزناز تحت تدابير الحراسة النظرية من اجل مباشرة التحقيق .