عرفات منطقة الحي المحمدي بالداربيضاء ، هاد صباح الاتنين ، تنظيم قافلة طبية متنقلة متعددة تخصصات ، بمشاركة الهلال الأحمر المغربي ووزارة الصحة والحماية الاجتماعية المغرب،وهادشي تخليد للذكرى 23 لميلاد الأمير مولاي الحسن واليوم العالمي للهلال الأحمر والصليب الأحمر.

لقافلة حضر ليها عبداللطيف معزوز، رئيس جهة الدار البيضاء-سطات عضو فـحزب الاستقلال، واللي تابع تفاصيل النشاط من الداخل، وسط حضور أطر صحية وتنظيمية.

و شارك فهاد نشاط عبد العزيز وحيد، مندوب الصحة، اللي شرف على تنسيق الجانب الطبي، و محمد، مندوب الهلال الأحمر بجهة الدار البيضاء-سطات، اللي تابع التنظيم والتأطير ديال القافلة.

وحسب ما أكدت مصادر لـ“كود”، رئيس مقاطعة الحي المحمدي يوسف رخيص ما حضرش فعاليات هاد لقافلة وبقا على برا وتكلف معزوز بلبقية ، رغم أن النشاط كيتنظم فوق النفوذ الترابي ديال المقاطعة، وهو ما جر معاه تساؤلات سياسية مهمة .
واش حضور معزوز، لمحسوب على حزب الاستقلال، فهاد النوع ديال الأنشطة الاجتماعية والصحية، كيسخن لماكينة الانتخابية بكري فهاد لأنشطة لميدانية قريبة من لمواطنين ؟

وخصوصا وأن لمرحلة لي جايا معروفة بحساباتها السياسية ومحاولة كل حزب يلمع لحضور ديالو فالشارع.

وبين اللي كيشوف أن الأمر عادي ومرتبط بالصفة المؤسساتية لرئيس الجهة، واللي كيقرا لمشهد كتحرك انتخابي مغلف بالعمل الاجتماعي، كيبقى السؤال واش هادي غير قافلة طبية عادية ولا بداية حملة انتخابية سابقة لأوانها.

الدار البيضاء

المصدر: كود

الصفحة الرئيسية

الاستقلال بدا الحملة الانتخابية بكري فكازا. رئيس الجهة فقافلة طبية بالحي المحمدي ورئيس المقاطعة بقا برا .

أخبار ذات صلة

خبير سياحي لـ”كود”: فصل الربيع كينعش السياحة فكازا ومدن اخرى فلمغرب.. و85% من الأجانب جايين من فرنسا .

الاستئناف الإداري بالرباط يحجز “ملف الإعفاءات الضريبية” بجماعة الهراويين للمداولة

إقرأ أيضا

الـCNDP تناقش سبل حماية المعطيات الوراثية والجينية وتقدم 17 توصية لصيانتها (فيديو)

الطقس غدا الثلاثاء.. أمطار ورياح مرتقبة في عدة مناطق