اش كتعني "منسق مكاتب ومصالح "لارمي" اللي عين فيها سيدنا ولي العهد؟ ها اش قالت "تشات جي بي تي" وها جوابو .

مصدر الصورة

كود كازا //

البارح 2 ماي 2026 خرج بيان للديوان الملكي فيه “وقد تفضل صاحب الجلالة الملك محمد السادس، القائد الأعلى ورئيس أركان الحرب العامة للقوات المسلحة الملكية، هذا اليوم، بتعيين صاحب السمو الملكي ولي العهد الأمير مولاي الحسن منسقا لمكاتب ومصالح القيادة العامة للقوات المسلحة الملكية”

وشار باللي سيدنا كان عينو الحسن الثاني فهاد المنصب عندما كان وليا للعهد سنة 1985

البيان ما قالش اش كتعني هاد المهمة غير ففقرة اخيرة وضحات باللي “القوات المسلحة الملكية “ترتكز .. في القيام بواجبها الوطني ومهامها الإنسانية والاجتماعية، تحت القيادة الحكيمة ل=الملك= القائد الأعلى ورئيس أركان الحرب العامة للقوات المسلحة الملكية، على منظومة من القيم النبيلة، لاسيما منها ما تتحلى به مختلف مكوناتها من كفاءة وانضباط واستقامة والتزام، ومن غيرة وطنية صادقة، وروح المسؤولية العالية، وذلك في وفاء وإخلاص دائم، لشعارها الخالد: الله، الوطن، الملك”.

يعني هاد المنصب مهم لولي العهد بزاف باش يعرف هاد القوات ومهامها الاجتماعية والانسانية بالاضافة الى واجبها الوطني فالدفاع على لبلاد، باللي منبية على منظومة من القيم النبيلة وباللي كتعلم الانضباط والاستقالة الالتزام وروح المسؤولية والاخلاص لشعار المغرب

يعني فالبيان كان كلام عام اللي ممكن تفهم منو اسباب تعيين من هاد النوع. طبعا ولي العهد خاصو يعرف هاد الجهاز مزيان.

سولنا “تشات دي بي تي” على هاد المنصب ديال “منصب منسق مكاتب ومصالح القيادة العامة للقوات المسلحة الملكية” فقال باللي “كيشير لوظيفة تنظيمية وإدارية داخل القوات المسلحة الملكية المغربية، وكيكون عندها دور مهم فتنسيق الخدمة بين مختلف المصالح. بشكل مبسّط، هاد المنصب فيه المهام الرسمية وهي ” التنسيق بين المكاتب” باش كيضمن التواصل وتنظيم العمل بين مختلف الإدارات داخل القيادة العامة.

وفيه “تنظيم الملفات والوثائق” من خلال متابعة المراسلات، التقارير، والوثائق الرسمية. وفيه “تحضير الاجتماعات” بحال ترتيب المواعيد، إعداد جداول الأعمال، وتتبع القرارات.

وفيه “متابعة تنفيذ التعليمات” من خلال “التأكد أن الأوامر والتوجيهات” كتوصل وتتنفذ بشكل صحيح.

فهاد المنصب كيقول تشات دي بي تي” خدمتو غالبا ذات طابع اداري اكثر منها قتالي وكيطلب “دقة، تنظيم، وسرية عالية فيه مسؤولية كبيرة حيث كيتعامل مع معلومات حساسة المستوى ديالو”

يعني كيعطي صورة واضحة على جهاز حساس على القوات المسلحة الملكية. الامير ولي العهد غادي يتعرف عن قرب على مهام هاد المؤسسة المهمة بزاف