تنظمات فمكناس نهار 21 أبريل 2026 نيشان مع الدورة 18 ديال الملتقى الدولي للفلاحة بالمغرب 2026 أشغال اللجنة الفلاحية المشتركة بين المغرب وفرنسا برئاسة مشتركة بين أحمد البواري وآني جينيفارد.

هاد الاجتماع حضرو فيه بزاف ديال المسؤولين والخبراء من جوج الدول، وكيجي فإطار تجديد الحوار والتعاون بين المغرب وفرنسا، خصوصاً من بعد الاتفاق اللي توقع فـ أكتوبر 2024،كما كان اللقاء فرصة باش يديرو تقييم للخدمة اللي دارت من SIAM 2024، ويحددو الأولويات ديال التعاون بين 2026 و2027.

التعاون الفلاحي بين المغرب وفرنسا دخل فمرحلة جديدة مبنية على تبادل الخبرات والمعرفة، وإنجاز مشاريع مشتركة لي عندها تأثير كبير، ولي كتطتهم مجالات مهمة بحال التكوين، البحث العلمي، السلامة الصحية، وتطوير السلاسل الفلاحية والصناعات الغذائية، باش تْقْوى الفلاحة وتصبر قدام التغيرات المناخية والاقتصادية.

فالافتتاح، الوزراء عبّرو على الرضا ديالهم على نتائج السنة الفلاحية المشتركة 2025، اللي عززات التعاون بين المؤسسات والجهات والمهنيين فالجوج بلدان.

فمجال تربية الكشيبة ، اللي هو موضوع SIAM 2026، تركز النقاش على إعادة بناء القطيع وتحسينو و تنظيم السلاسل الفلاحية، تطوير أنظمة الإنتاج ومشاريع مشتركة فالتحسين الوراثي وتوفير العلف.

أما فمجال التكوين والتعليم والبحث، الوزراء نوهو بجودة الشراكات اللي فيها تبادل الطلبة و تكوينات مشتركة، ديبلومات مزدوجة، وبرامج بحث علمي مشترك.

اما فيها يخص السلامة الصحية، تأكد بلي كاين تقدم من بعد اتفاق 2024، خصوصاً فالتعاون بين المكتب الوطني للسلامة الصحية للمنتجات الغذائية (ONSSA) ونظيرتها الفرنسية، باش يتم تحسين الوقاية من المخاطر وضمان سلامة التبادل التجاري.

كما تم التأكيد على أهمية التعاون فمجال الغابات وتدبير المياه الفلاحية، خصوصاً مع التغير المناخي والضغط على الموارد الطبيعية، مع رغبة مشتركة فتعزيز مشاريع عملية فهاد المجال،وفالأخير جدد الوزراء الالتزام ديالهم بتقوية هاد الشراكة بتطوير الاستشارة الفلاحية،و إدماج الشباب فالعالم القروي،و رقمنة الخدمات و تقوية قدرات الموارد البشرية.