تتواصل بمحكمة الاستئناف بالدار البيضاء، أطوار محاكمة المتابعين فقضية ما يعرف بـ “إسكوبار الصحرا”، وعرفت جلسة اليوم الخميس ترافع المحامي أشرف جدوي على سعيد الناصيري الرئيس الأسبق للوداد الرياضي والقيادي السابق فحزب الأصالة والمعاصرة، والمحامي طعن فتصريحات الحاج احمد بنبراهيم الملقب بـ “المالي” او “اسكوبار الصحرا”.

رجع المحامي ديال سعيد الناصيري لتفاصيل من 17 دجنبر 2012، وهو التاريخ اللي كايدعي فيه المالي أنه تلقا فيه الناصيري لأول مرة، ووضح المحامي أن المعطيات التقنية المرتبطة بموقع التيليفون ديال الناصيري، ووثائق رسمية وفاكتورات ديال لوطيل كاتقول انه كانت عندو أنشطة رسمية وبرلمانية وهاذ الشي كايبين أن فرضية اللقاء ما بينهم ماشي منطقية، ووضح أن المعطيات التقنية كاتبين صعوبة الجمع بين التنقلات فنفس التوقيت، وأن هاذ الشي كايضعف من مصداقية رواية المشتكي (المالي) وبشكل كبير.

المحامي ديال سعيد الناصيري هضر حتى على شهادات عدد من الأشخاص فهاد القضية، ومن بينهم خادمة كانت فدار المالي ولطيفة رأفت، واللي كانت قالت أن الناصيري دار زيارة لعندهم للدار ولكن نفت أنها كانت فالتاريخ اللي فيه النزاع، إضافة إلى نفي الفنانة لطيفة رأفت اي لقاء مع الناصيري فالتاريخ المذكور، وهاذ الشي كايبين حسب الدفاع بلي كاينين تناقضات فالاتهامات، واستغرب من تأسيس إدانة فقضية ثقيلة على تصريحات ماشي مدعومة بأدلة علمية وتقنية..

الدار البيضاء

المصدر: كود

الصفحة الرئيسية

جديد قضية "إسكوبار الصحرا": محامي الناصيري كشف تناقضات فتصريحات المالي .

أخبار ذات صلة

تحقيقات الداخلية تحاصر رؤساء جماعات بجهة الدار البيضاء بسبب “إقبار” مشاريع تنموية

وثائق وشهادات في مرافعة الدفاع تعيد تقييم معطيات ملف “إسكوبار الصحراء”

إقرأ أيضا

الاتحاد الأوروبي: المغرب شريك موثوق واستراتيجي لينا ودورو حيوي فالفضاء الأورومتوسطي وغادي نعززو جهودنا معاه لمكافحة الإرهاب والأمن البحري .

جديد قضية "إسكوبار الصحرا": محامي الناصيري كشف تناقضات فتصريحات المالي .