فخطوة جديدة فالعقوبات البديلة، تم تحديد مصاريف البراصلي الإلكتروني فـ70 درهم لنهار للناس المطبق عليهم هاد القرار ، بشرط أنهم هوما لي اخلصوها والتازمو بها يوميا ، اهاد القرار جا فإطار اعتماد بدائل للاعتقال الاحتياطي.

وفهاد السياق، كيتطرح سؤال مهم، واش تحميل المتهم مصاريف البراصلي الإلكتروني كيتماشى مع مبدأ قرينة البراءة؟ ولا ممكن يتحول لعبء إضافي عليه قبل حتى ما تصدر فحقو شي إدانة نهائية

وردا على سؤال “كود” حول هاد الإشكالية، صرح مهدي الزوات، محامي بهيئة الدار البيضاء وباحث في القانون، أن قرار تحديد هاد المصاريف كيطرح على مجلس أكثر من علامة استفهام من الناحية القانونية، وأضاف أن إدارة البراصلي الإلكتروني فالأصل هي واحد لبديل عن الاعتقال الاحتياطي، الهدف ديالو هو التخفيف من الاكتظاظ داخل السجون وضمان حضور المتهم، وماشي فرض تكاليف مالية عليه.

وكال إن تحميل المتهم هاد المصاريف ممكن يتفهم على أنه مساس بقرينة البراءة، حيت أن المعني بالأمر مازال ما صدرش فحقو حكم نهائي.
وزاد الزوات وشدد على أن القرار ما كيراعيش الفوارق الاجتماعية، واقدر يخلق نوع من التمييز بين المتقاضين، حيت اللي عندو الإمكانيات يستافد من السوار، واللي ما عندوش يرجع للاعتقال الاحتياطي.

وختم تصريحو بالتأكيد على ضرورة وجود تأطير قانوني واضح لهاد الإجراء، أو اعتماد طرق باش تخفاف الوقت عندهم شوية او الإعفاء اكون على حساب الوضعية الاجتماعية، باش يبقى البراصلي الإلكتروني بديل إنساني وما يتحولش لعبء زايد على المتهم.

الدار البيضاء

المصدر: كود

الصفحة الرئيسية

المحامي الزوات لـ”كود”: 70 درهم فالنهار على “البراصلي الإلكتروني” كيمس بقرينة البراءة واقدر ادير التمييز بين لعندو ولي ماعندوش .

أخبار ذات صلة

حصيلة الحكومة.. ها كيفاش نقذات برامج تحلية مياه البحر مدن من العطش والفلاحة من الافلاس: نتجات 415 مليون متر مكعب ف 2025 والهدف 1.7 مليار ف 2030 .

نقابة تكشف عن مخططات لتحويل “مكتب الماء” إلى شركة مساهمة وتطالب بتدخل الداخلية

إقرأ أيضا

أزيد من 100 ألف متر مربع و55 طابقا.. برج محمد السادس صرح متفرد وأيقونة جديدة للحداثة المغربية

بالأرقام. أخنوش كلاشا حكومة بنكيران: طلعنا متوسط خلق فرص الشغل من 64 ألف منصب سنويا بين 2011–2016 إلى 171 ألف بين 2022 و2025 ووصلنا دبا ل850 ألف منصب .