المغرب كيفرض البلاصة ديالو كقوة فلاحية طالعة فالسوق الأوروبية، من بعدما قدر فـ 2025 يفرض السيطرة ديالو على واردات إسبانيا من الخيار، وحقق أرقام مهمة كتبين تحول كبير فالتصدير.

حسب معطيات جديدة ، الخيار المغربي شد 71.71% من مجموع واردات إسبانيا ف 2025,يعني 18,240 طن من أصل 25,440 طن، وهادشي كيبين كيفاش كيغلب المنتوج المغربي على المنافسين ديالو فـ أوروبا.

هاد الأداء القوي جا معاه حتى ارتفاع كبير فالقيمة، حيث واردات إسبانيا من الخيار وصلات لـ 30.9 مليون يورو فـ 2025، بزيادة كثر من 340% مقارنة مع 2016.

فما يخص الصادرات المغربية، وصلات القيمة ديالها لـ 21.1 مليون يورو، بثمن متوسط ديال 1.16 يورو للكيلو، يعني أن الخيار المغربي تنافسي سوا فالجودة ولا فالثمن.

وكيبان هاد التطور كثر ملي كنشوفو السنوات اللي فاتت، حيث صادرات المغرب تزادت ب 313.7% فـ عشر سنين الأخيرة ، والكمية تزادت بـ 215.6%، وهذا دليل على قوة القطاع الفلاحي المغربي .

فالمقابل، باقي الدول جاو بفارق كبير، حيث ألمانيا جات فالمركز الثاني بـ 11.08%، من بعدها البرتغال بـ 9.11%، ومن بعد هولندا وفرنسا بنسب قليلة.

وكيعتابرو متتبعين أن هاد النتائج راجعة لتطور الإنتاج والتصدير، وزيد عليها القرب الجغرافي والاتفاقيات مع الاتحاد الأوروبي، اللي كيعطيو الأفضلية للمنتوج المغربي.

أكادير

المصدر: كود

الصفحة الرئيسية

المغرب كيسيطر على كثر من 70% من سوق الخْيار فإسبانيا .

أخبار ذات صلة

تحقيقات جمركية تضع شركات استيراد وتصدير تحت المجهر

طارق الحارثي مديرا عاما للمجموعة الصحية لجهة سوس–ماسة

إقرأ أيضا

تحقيقات جمركية تضع شركات استيراد وتصدير تحت المجهر

"فيفا" والحكومة المغربية تبحثان مستقبل ملاعب الناشئين - العمق الرياضي