وسط شوارع الدار البيضاء ومدن مغربية أخرى، رجع التوتر يظهر بين سائقي الطاكسيات التقليدية وتطبيقات النقل عبر الهاتف (VTC)، خصوصاً بعد ظهور بانوات “أندرايف” اللي كتروج للخدمات الرقمية مباشرة للمواطنين، بمنطقة المعاريف ، وهادشي خلا صحاب تاكسيات خارجين كيحتجو ساخطين وكيطالبو من مجلس المدينة بحل سريع .

وفي تصريح حصري ل”كود”، أشار هشام أمادي، الرئيس المدير العام ديال شركة TOOGO الخاصة بالنقل عبر التطبيقات، والنائب الأول للرئيس للهيئة المغربية لمصدري الخدمات ASMEX، إلى أن:
“التطبيقات ما جاتش من فراغ، وجاو باش يلبو حاجة حقيقية فالسوق: سهولة طلب الرحلة، معرفة الثمن مسبقاً، وتتبع المسار” ، وأكد في نفس السياق على أن الاحتجاجات اللي كيشوفها اليوم هي نتيجة الفراغ القانوني اللي ما خلاش القطاع متوازن.

وأضاف هشام أمادي أن الحل ماشي المنع، ولكن تنظيم النشاط بطريقة عادلة:
بحيث قال : “تنظيم هاد النشاط كيضمن حقوق الجميع: المواطن، الطاكسي التقليدي، وحتى فرص الشغل اللي كتخلقها التكنولوجيا. هاد التنظيم يقدر يحوّل التوتر الحالي لفائدة ويجعل النقل الحضري فكازا والمدن المغربية الأخرى أكثر أماناً ووضوحاً.”

ومن جهة أخرى، أصر المتحدث ذاته على أن إدماج التطبيقات بشكل قانوني كيساهم فرفع جودة الخدمة و احترام الزبون، وتحسين تجربة التنقل، مع الحفاظ على حقوق الطاكسي التقليدي، مبرزا أن المستقبل كيتطلب رؤية واضحة لتنظيم النقل الحضري فالمغرب بعيد على التوترات والفوضى.

الدار البيضاء

المصدر: كود

الصفحة الرئيسية

هشام أمادي لـ’كود’: المشكل ماشي فوجود التطبيقات ولكن فالفراغ القانوني اللي كيضر الطاكسي التقليدي وصحاب الأبليكاسيون! .

أخبار ذات صلة

تقارير الداخلية تفضح “استغلال” منتخبين لإحصاء المواشي لأغراض انتخابية بالبيضاء

هدم دوار “شامة” فعين الشق.. الطراكسات ومكاين غير هرس وكازا كتواصل تهيئة المدينة .

إقرأ أيضا

الحوثيون يطلقون "للمرة الثانية" صاروخا تجاه إسرائيل

عادي تسمع أستاذ مغربي سمح في ولادو في إسبانيا من أجل مستقبل أفضل حيت الإنسان خاصو الحرية والقانون والنظام والحقوق باش يعيش وهادشي للأسف لحد الآن كاين غير في أوروبا .