مؤتمر الطلاق مع مرحلة أخنوش فالجديدة وسط شعار "اغراس اغراس يا عزيز يا ولد الناس".. وقيادات ووزراء الأحرار: عدم ترشحو كانت صدمة لينا ومفتخرين بحصيلتو .

منذ

كود الرباط//

بدا قبل قليل المؤتمر الاستثنائي لحزب التجمع الوطني للأحرار، اليوم السبت، بالجديدة، في اجواء تنظيمية ولوجستيكية عالية، كيف العادة. لكن هاد المرة كان نوع من الحزن مختلط بالافتخار بالعمل لي دار ف مرحلة الرئيس عزيز اخنوش.

مصدر الصورة

ف اجواء احتفالية بمسار وتجربة عزيز أخنوش، وسط شعار “اغراس اغراس يا عزيز يا ولد الناس “، و”اخنوش ارتاح ارتاح سنواصل الكفاح”، وف لحظة بان فيها أخنوش متأثر بتفاعل القاعة مع هاد الشعار، بدا هاد المؤتمر.

هاد المؤتمر الاستثنائي كان عرس نهاية مسار، وبداية مرحلة جديدة، واللي ف بدايتو فمداخلة سياسية، عبر رئيس المؤتمر راشيد الطالبي العالمي على الأمل ف المستقبل، وقال :”الخير كل الخير في الطريق”.

وفي كلمته، بدا الطالبي بالفيضانات الاخيرة وعلن تضامن الاحرار مع الساكنة المتضررة، وشكر سيدنا على التدخلات ديالو انقاذ الساكنة باسم الاحرار.

مصدر الصورة

وقبل ما يبدا المؤتمر، تم استعراض شهادات وزراء وقيادات، وللي كلها فيها تعبير عن الصدمة من عدم ترشح اخنوش لولاية ثالثة، معتزين في نفس الوقت بالحصيلة للي قدم حكوميا وحزبيا.

انس بيرو، عضو المكتب السياسي قال “مكناش كنتسناو هاد القرار ديال اخنوش”، والطالبي قال عليه “خبر مؤثر جدا”.

مصدر الصورة

ياسين عكاشة عضو المكتب السياسي وأحد الوجوه الشابة لي كانت مواكبة مرحلة زخنوش قال بلي “: كانت مفاجأة”، اما رئيسة لجنة الخارجية بمجلس النواب قالت فشهادتها كانت صدمة”.

وزيرتي المالية والسياحة بزوج جمعو على رأي واحد :”؛ كانت صدمة”.

السعدي الوزير الشاب قال “كانت لحظة مؤلمة.. ولكن حسينا بنوع من الافتخار”.