باركا من العنصرية.. تقبلو يا المغاربة خسارة الكان: المنتخب دار لي عليه خسر بالكورة وماشي بالحكم والسينغال أقوى صديق للمملكة ف لافريك وعندو قنصلية فالصحراء .

مصدر الصورة

كود الرباط//

العلاقات المغربية السينغالية ضاربة ف جدور التاريخ، ومتميزة ف أكثر من مجال، سواء فالمجال الاقتصادي او الدبلوماسي أو السياسي والتعاون الأمني وحتى الروحي، لذلك هاد الخطاب العنصري لي منتشر ضد خوتنا السينغاليين ف السوشل ميديا خصو يتوقف. باركا عنصرية نتقبلو الهزيمة رياضيا كيف تقبلها المدرب واللعابا لي تأسفو وبكاو.

واش غانكونو حسن من اللعابا للي طواو الصفحة، وحتى وصولهم للنهائي انجاز، من 2004 عمر المغرب فات النصف.

علاش السينغال مهمة للمغرب، والكرة خصها تبقا كورة فقط ومتخلطش بالسياسة وتخربق العلاقات الدبلوماسية، حيث هاد العلاقات الديبلوماسية الرسمية تـمّ تأسيسها فـ15 نونبر 1960، مباشرة بعد استقلال السنغال. من داك الوقت العِلاقات المغربية السينغالية كانت متواصلة رغم تغيّر الحكومات والظروف الإقليمية.

كاينا جذور تاريخية مشتركة — فالفترات القديمة، العلاقات التجارية والثقافية عبر الساحل الإفريقي ربطات مناطق المغرب بمناطق غرب إفريقيا حتى نهر السنغال، وهاد الخيط التاريخي خلى أثر على التواصل بين الشعوب.

السينغال اليوم أقرب للمغرب من تونس ودول عربية كثيرة لي استغلت الكان باش ينفثو سمومهم.

فمنذ زيارة الملك محمد السادس للسنغال (أول زيارة كبيرة فـ2001) تاّزادت وتعمّقت الشراكات خصوصاً فـميادين الفلاحة الصيد البحري، التكوين، الصحة، الماء، والنقل والبنية التحتية. الزيارات الملكية والحركية الديبلوماسية خذات طابع عملي مع اتفاقيات تعاون ومشاريع تقنية.

في أبريل 2021 مثلاً، المغرب والسنغال وقّعوا اتفاقيات ومذكرات تفاهم لتقوية التعاون في مجموعة قطاعات، ومن بينها تبادل الخبرات والاستثمار في المشاريع المشتركة. هاد الخطوات كانت جزء من إستراتيجية المغرب لتعزيز الشراكة جنوب-جنوب مع بلدان غرب إفريقيا.

خلال السنوات الأخيرة (2024 ــ 2025) صرّحت سنغال رسميا بتأكيد دعمها لسيادة ووحدة المغرب على ترابه، وفي مناسبات ديبلوماسية تمّ تجديد هذا الموقف بشكل علني عبر زيارات واجتماعات وزارية بين الطرفين. هاد التوافق ساهم في تسهيل تعاون أكبر على المستوى السياسي والاقتصادي.

السنوات القليلة الماضية عرفت تنظيم مناسبات مشتركة ومحافل تناقش شراكة 60 سنة من العلاقات (مؤتمرات وندوات في الرباط)، الشي اللي كيبين الاهتمام الرسمي والرغبة في بلورة خطة شراكة استراتيجية طويلة الأمد.

السينغال ربحو الماتش ولعبوه مزيان، صفحة وخصها تطوا، الأهم هو المستقبل هو صورة بلادنا ف التنظيم وحسن التدبير. الحملات العنصرية غادي تنقص هاد الانجازات لي دارت.

وأخيرا برافو للجمهور للمغربي ف التيران منساقش مور الانفلاتات واحداث العنف لي دارو بعض عناصر الجمهور السينغالي، غير البعض لي كان مشحون ف سياق معين، التحقيقات غادي توضح كولشي. لأن جزء من جمهور السينغال سواء داخل التيران او خارجه كانو ف امان مع خوتهم المغاربة ورجعو معهم ف تران للمدن منين جاو.

وكتبقا السينغال من اكبر داعمي قضية الصحراء ف لافريك والغرب الافريقي ودولة مؤثرة ف القرار الافريقي . علاقتنا معهم كانت ديما زوينة، والجمهور المغربي شجع منتخب السينغال طوال فترات الكان قبل ما يتواجهو مع المغرب.